محمدناصرسيرت

	احمدطيب دکابل پوهنتون محصل د زده کړو ترڅنګ دښېښوپلورلودکان هم پرانيستی دی.

له دې ځايه واوری!

محمود دکابل ښار هغه اوسېدونکی دی، چې دنارينه او ښځينه ژمنيو جامو پلورنځی يې جوړکړی دی.

هغه پخپل پلورنځي کې ډول، ډول کورنۍ او باندنۍ جامې پلوري او مناسبه ګټه پکې کوي.

محمود دخپلې ګټې لامل دموسم تر رارسېدا مخکې دکار ارزونه او دخلکواو بازار غوښتنه وګڼله.

ددې ترڅنګ دورځې په موډ برابرې او دراز، راز ډولونو درلودونکوجامو فرمايش ورکول هم دده دبري راز دی.

که چېرې ځينې توکي له يوه موسم نه بل ته پاتې شي، هغه په ټيټه بيه پلوري او پدې توګه خپله پانګه په کار اچوي.

احمد طيب دکابل پوهنتون هغه محصل دی، چې دخپلو زده کړو ترڅنګ يې دخپل اقتصاد پياوړتياته هم پاملرنه کړېده.

	موسم او دخلکوغوښتنې په پام کې نيول دګټې سترلامل ګڼل کيږي.

نوموړي دخپل پلار دتجربې پربنياد او مرسته دښېښوپلورلو دکان پرانيستی دی. هغه وويل، چې دښېښوپلورل پاک کار او هيڅ ډول ضايعات نلري.

هغه لدې لارې سربېره پردې چې، دکورني اقتصادپه پياوړتياکې ونډه اخيستې، دخپل تحصيل خرڅ هم پوره کوي.