مير عالم ستانکزى

	فاصله ونيسۍ او موټرونو ته مه را نږدې کيږي

پنځه کاله وړاندې افغانستان ته د بن د پرېکړې په اساس بهرني سوله ساتي ځواکونه راغلل چې اوس مهال په لسګونو زره سوله ساتي ځواکونه پدې هېواد کې د ماموريت دنده سر ته رسوي.

دوى خپلو موټرو او نظامي هډو څوک نږدې نه پريږدي ځکه د شکمن دښمن ويره لري.

د کورنيو چارو وزارت مطبوعاتي دفتر په وينا چې په ٢٠٠٦م کال کې ١٥ مرګ ژوبلې داسې پېښې شوي دي چې د دوى موټر ته د ورنږدې کېدو په وخت کې را منځ ته شوي دي .

اجمل الکوزى وايي چې د ګرديز په ښار کې يې دنده درلوده او يوه ورځ په ټکسي موټر کې دفتر ته تلو پدې وخت کې د بهرنيو قواوو د موټرو قطار په سړک تيريږي.

ټيکسي چلوونکي هڅه کړيده چې د دوى له قطار نه مخکې شي دوه درې ځلې يې هڅه کړې خو په څلورم ځل يې چې بيا هڅه وکړه هغوى ورباندې ډزې وکړې او ټيکسي چلوونکى مړ شو.

د کابل په ښار کې ټيکسي چلوونکى، سبحان الله د داسې پېښو علت د موټر چلوونکو نه پاملرنه او د نظامي عسکرو موټر ته د ورنږدې کيدل ګني.

نظامي موټرو او پوځي هډو ته د خلکو ورنږدې کيدل او د هغوى عکس اخستل يا فلمبرداري ممنوع ګڼي. زمری بشري

خو داسې ستونزه يواځې په ښارونو کې نده بلکه د لويو لارو په اوږدو کې هم ځينې موتر چلوونکي ورسره مخامخ دي .

احسان الله وايي: (( زه د کابل ښار نه پلخمري ښار ته تلم، د بګرام دو سرکې ته چې ورسېدم غوښتل مې چې خپل موټر د دوى له قطار نه مخکې کړم.

دوه ځله مې هڅه وکړه خو په دريم ځل يې ټوپک راباندې راتاو کړ او ډز يې راباندې وکړ، د موټر ښيښه مې ماته شوه او زه هم په لاس ولګېدم)).

خو د کابل ښار اوسېدونکى سبحان الله د داسې پېښو د مخنيوي لپاره وايي چې بايد موټر چلونکى د نظامي عسکرو موټر ته ورنږدې نشي.

له هغوى څخه د مخکې کيدو هڅه ونکړي او ښارونو کې دې خلک د دوى هغو لوحو ته پاملرنه وکړي چې د دوى د پوهې لپاره لګوي دي .

خو د کورنيو چارو وزارت وياند زمرى بشر نظامي موټرو او پوځي هډو ته د خلکو ورنږدې کيدل او د هغوى عکس اخستل يا فلمبرداري ممنوع ګڼي.

د آسياف چارواکي هم وايي چې زموږ د موټرو او نظامي هډو عکس اخيستل او فلمبرداري منع دي .