Sreapadairean air an toirt far Beinn Nibheis le heileacoptair
Bha heileacoptaran à Steòrnabhagh is Inbhir Nis an sàs san iomairt
- Air fhoillseachadh
Rinneadh cobhair air dithis air Beinn Nibheis ann an iomairt san robh Sgioba-Theasairginn Bheanntan Loch Abair agus dà heileacoptair nam maor-cladaich an sàs.
Thuirt na maoir-chladaich gun d' fhuair iad fios gun robh na sreapadairean gun comas dìreach neo teàrnadh air a' bheinn mu 18:20 oidhche Mhàirt.
Chaidh heileacoptaran à Inbhir Nis agus Steòrnabhagh a ghairm a-mach còmhla ri luchd-teasairginn nam beann a tha ag obair gu saor-thoileach.
Thuirt na maoir-chladaich gun robh an iomairt ullamh timcheall air 08:10 sa mhadainn Diciadain.
Tha Sgioba-Theasairginn Bheanntan Loch Abair air a bhith trang san t-seachdain a dh'fhalbh an dèidh dhaibh chobhair a dhèanamh air neach-coiseachd a bha glacte air sliabh cas eadar an t-Aonach Mòr agus Càrn Mòr Dearg.
Thug iad taic cuideachd do choisiche an dèidh dhaibh tuiteam aig An Steall Bhàn, agus rinn iad cobhair air neach-sreap a bh' air a ghoirteachadh ann an Gil 4 air Beinn Nibheis.
