जयललितांच्या ADMKवर वर्चस्व कुणाच? तामिळनाडूतही ‘शिवसेना विरुद्ध शिवसेना’ स्थिती
सध्याच्या घडीला महाराष्ट्रात शिवसेनेमध्ये जी स्थिती उद्भवली आहे काहीशी तशीच स्थिती जयललिता यांनी स्थापन केलेल्या अण्णा द्रमुक पक्षात उद्भवली आहे.
शिवसेनेत जसे सध्या ठाकरे आणि शिंदे गट पडले आहेत. तसेच दोन गट सध्या अण्णा द्रमुक मध्ये पडले आहेत. त्यातल्या एका गटाचं नेतृत्व करत आहेत ओ. पनीरसेल्वम आणि दुसऱ्या गटाचं नेतृत्व करत आहेत एडाप्पाडी के. पलानीसामी. महत्त्वाचं म्हणजे हे दोन्ही नेते याआधी मुख्यमंत्री राहीले आहेत. आणि दोघांची पक्षावर पकड मिळवण्यासाठी धडपड सुरू आहे.
त्यातच सोमवारी एडाप्पाडी के. पलानीसामी आणि ओ. पनीरसेल्वम यांच्या समर्थकांमध्ये जोरदार हाणामारी झाली.
चेन्नईमध्ये AIADMK पक्षाच्या मुख्यालयासमोरच दोन्ही गटाचे कार्यकर्ते एकमेकांना भिडले.
चेन्नईतील वनग्रामम इथे पक्षाच्या सर्वसाधारण सभेची बैठक होणार होती. या बैठकीआधीच पक्षातील दोन गटांमधले मतभेद अशारीतीने आमनेसामने आले की दोन्ही गटांमध्ये तुंबळ हाणामारी झाली. ही बैठक अतिशय महत्त्वाची होती कारण यामध्ये पक्षाच्या सरचिटणीसांची निवड होणार होती.
पलानीसामी आणि पनीरसेल्वम यांच्यामध्ये गेल्या काही काळापासूनच सत्तेसाठी रस्सीखेच सुरू आहे. पनीरसेल्वम आणि पलानीसामी हे अनुक्रमे पक्षाचे समन्वयक आणि सहसमन्वयक आहेत.
मात्र, पक्षात एकच खंबीर नेतृत्व असावं अशी पक्षाच्या सदस्यांची गेल्या काही काळांपासूनची मागणी आहे. कारण दोन सत्ताकेंद्रांमुळे पक्ष कमकुवत असल्याचं सदस्यांना वाटत होतं.
या वादळी घटनाक्रमानंतर झालेल्या बैठकीत पलानीसामी यांची पक्षाचे अंतरिम सरचिटणीस म्हणून निवड करण्यात आली आहे. तर ओ. पनीरसेल्वम यांची पक्षातून हकालपट्टी करण्यात आली आहे.
23 जूनला पक्षाची एक बैठक झाली होती. त्या बैठकीच्या आधीही एआयएडीएमकेच्या दोन्ही नेत्यांचे समर्थक हमरीतुमरीवर आले होते. या बैठकीतही एकाच व्यक्तीकडे नेतृत्व सोपविण्याची मागणी झाली होती. पनीरसेल्वम हे बैठक अर्ध्यावर सोडून गेले होते.
त्यानंतर या बैठकीनंतर पलानीसामी यांच्या समर्थकांनी सोमवारी (11 जुलै) सर्वसाधारण सभेची बैठक बोलावण्याची मागणी केली. दुसरीकडे या बैठकीवर बंदी घालावी यासाठी पनीरसेल्वम यांच्या समर्थकांनी मद्रास उच्च न्यायालयात याचिका दाखल केली.
पण न्यायालयाने या बैठकीला परवानगी दिली.
या बैठकीसाठी पनीरसेल्वम एआयएडीएमके पक्षाच्या कार्यालयात सोमवारी सकाळी पोहोचले. त्यांचे काही समर्थकही त्यांच्यासोबत होते. पलानीसामी यांचे समर्थकही पक्ष कार्यालयाच्या इथे उपस्थित होते.
दोन्ही नेत्यांचे कार्यकर्ते अशारीतीने समोरासमोर आले आणि त्यांच्यात हाणामारी झाली. दगडफेकीचेही प्रकार घडले. घटनास्थळी पोलिस बंदोबस्त करण्यात आला.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहि61890597ले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
