एकनाथ शिंदे: 'माझ्या दोन मुलांना डोळ्यांसमोर जाताना मी पाहिलंय', मुख्यमंत्र्यांना विधानसभेत अश्रू अनावर
आज विधानसभेत मुख्यमंत्री एकनाथ शिंदे अश्रू अनावर झाले. आज बोलताना त्यांनी आपल्या दोन लहान मुलांच्या निधनाबाबत सांगितले. यावेळी भाषण करताना ते म्हणाले, "माझी दोन लहान मुलं माझ्या डोळ्यासमोर गेली. जगण्याची इच्छाच नाहीशी झाली होती. तेव्हा मला आनंद दिघे साहेबांनी सावरलं. त्यांनी मला बोलवलं आणि माझी समजूत काढली. समाजासाठी तुला जगावं लागेल असं त्यांनी समजावून सांगितलं."
"त्यांनी मला महानगर पालिकेचा सभागृह नेता बनवलं," असं एकनाथ शिंदे म्हणाले.
"माझ्या घरावर दगड मारण्याची हिम्मत कुणामध्ये नाही. माझ्यावर प्रेम करणारे खूप लोक आहेत. मी 17 व्या वर्षी शिवसेनेत आलो आणि 18 व्या वर्षी शाखाप्रमुख झालो."
"30-35 वर्ष या एकनाथ शिंदेनं जीवाचं रान केलंय. रक्ताचं पाणी केलं. जर शिवसेना वाचवण्यासाठी मला शहीद व्हावं लागलं तरी चालेल. पण मी हे करणारच होतो."
माझं खच्चीकरण झालं
ज्यावेळी आम्ही विधानभवनातून निघालो त्याच्या आदल्या दिवशी मी डिस्टर्ब होतो. मला जी वागणूक मिळाली त्याचे हे आमदार साक्षीदार आहेत. एकाही आमदाराने हे मिशन सुरू झालं विचारलं नाही कुठे चाललो? कधी येणार? सुनिल प्रभूंनाही माहिती आहे माझं कसं खच्चीकरण करण्याचा प्रयत्न झाला.
फोटो स्रोत, Eknath SHinde/BBC
"मला अनेकांचे फोन आले. पण मी ठरवलं होतं. शहीद झालो तरी मागे फिरायचे नाही."
"ही छोटी मोठी घटना नाही. हे एका दिवसांत झालेली नाही. हे खूप आधीपासून सुरू झालं."
"एकीकडे चर्चेला माणसं पाठवायची आणि दुसरीकडे पुतळे जाळायला लावायचे. घरावर दगडफेक करायला सांगायची. अरे एकनाथ शिंदेच्या घरावर दगडफेक करणारा अजून पैदा झाला नाही. दगड मारणारे हात राहणार नाहीत."
आम्ही गद्दार नाही तर उठाव केलाय
"आम्हाला काय काय बोलण्यात आलं. कुणी म्हणालं गद्दार, कुणी म्हणाले घाण गेली. काय काय बोलले? कुणी म्हणाले कामाख्या देवीला बळी देण्यासाठी रेडे पाठवले. मग कुणाचा बळी गेला. आम्ही गद्दार नाहीत तर आम्ही उठाव केला."
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त, 1
"आम्ही कालही शिवसैनिक, आजही शिवसैनिक आणि उद्याही शिवसैनिकच राहणार आहोत."
"बाळासाहेबांच्या आदेशामुळे शिवसैनिकांनी छातीचा कोट केला आणि दंगलीत मुंबई वाचवली."
'आम्ही कालही शिवसैनिक, आजही शिवसैनिक आणि उद्याही शिवसैनिकच राहणार आहोत.'
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त, 2
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
