सेक्स करणं थांबवल्यास तुमच्यावर 'हे' 7 परिणाम होऊ शकतात...
फोटो स्रोत, Getty Images
तुमच्या सेक्सच्या 'दुष्काळा'ची कारणं काहीही असोत; मग ते ब्रेकअपचं असो वा व्यग्र वेळापत्रकाचं असो किंवा अगदी सेक्सपासून ब्रेक घेण्याचं असो, पण सेक्स करण्यातलं अंतर वाढवलंत, तर तुमच्या आरोग्यावर मात्र त्याचे परिणाम दिसू लागतील.
ANI नं यासंबंधी वृत्त प्रकाशित करून, बरेच दिवस सेक्स न केल्यास काय होऊ शकतं, याबाबत सविस्तर माहिती दिली आहे.
नियमित सेक्स तुम्हाला केवळ आनंदी ठेवत नाही, तर निरोगी सुद्धा ठेवण्यास मदत करतं.
सेक्स करणं थांबवल्यास आरोग्यावर नेमके काय परिणाम होतात, हे पाहूया.
1) हृदयाच्या आरोग्यावर परिणाम
बऱ्याच काळापासून सेक्स न करणं हे हृदयासाठी चांगलं नाहीय. 'सेक्सचा दुष्काळ' हृदय आणि रक्तवाहिन्यांसंबंधी आजारांना निमंत्रण देतं.
सेक्स केवळ अतिरिक्त कॅलरी बर्न करण्यासाठीच नव्हे, तर इस्ट्रोजेन आणि प्रोजेस्टेरॉनच्या पातळीतला समतोलपणा राखण्यासही मदत करतं. त्यामुळे हृदयाशी संबंधित आजारांची शक्यता कमी होते.
2) तणाव आणि चिंतेच्या पातळीत वाढ
लैंगिक संभोगादरम्यान एंडोर्फिन आणि ऑक्सिटोसिन यांसारखे 'हॅपी हार्मोन्स' शरीरात तयार होतात. जर तुम्ही काही काळ लैंगिक आयुष्याला थांबवलंत, तर तुमच्या शरीरात हे दोन्ही हार्मोन्स स्रवत नाहीत. परिणामी तणाव आणि चिंता या दोन समस्यांमध्ये वाढ होते.
फोटो स्रोत, Getty Images
3) स्मरणशक्तीसंबंधी समस्या
सेक्सची कमतरता तुम्हाला विसराळूपणाला बळी पाडू शकते. काही अभ्यासांमधून हे दिसून आलंय की, लैंगिक आयुष्य थांबवल्यानंतर अनेकांना स्मरपणशक्तीसंदर्भात अडचणी निर्मण झाल्या आहेत.
त्याचवेळी, नियमितपणे सेक्स करणाऱ्यांमध्ये स्मरणशक्तीची क्षमता वाढल्याचे दिसून आलीय. हे निरीक्षण विशेषत: 50 ते 89 या वयोगटात दिसलंय.
4) कामेच्छा कमी होते...
'सेक्सचा दुष्काळ' तुमच्यामधील कामेच्छाही कमी करू शकते. केवळ तुमचं नियमित लैंगिक आयुष्यच तुमची कामेच्छा वाढवू शकतं. त्यामुळे जेवढं जास्तीत जास्त लैंगिक आयुष्य असेल, तेवढं तुम्हाला भविष्यात ते अधिक करावं वाटेल.
फोटो स्रोत, Getty Images
5) रोगप्रतिकारक प्रणालीवर परिणाम
तुमच्या आयुष्यात 'सेक्सचा दुष्काळ' असल्यास तुमचं शरीर सर्दी आणि फ्लूला निमंत्रण देऊ शकतं. नियमित सेक्स शरीराला आजारांशी लढण्यासाठी तयार करतं. शरीरात 'इम्युनोग्लोबुलिन ए' या अँटी-बॉडीची पातळी वाढवतं.
6) योनी आरोग्य
दोन सेक्समध्ये बरंच अंतर असल्यास योनीवरती परिणाम दिसून येतात. अशामुळे चांगल्या सेक्ससाठी आवश्यक असणारा योनीमध्ये कामसलील तयार होण्यास वेळ लागतो तसेच उद्दिपित होण्य़ासाठीही वेळ लागतो.
फोटो स्रोत, Getty Images
नियमित सेक्समुळे किंवा हस्तमैथुनामुळे योनीमध्ये रक्तप्रवाह वाढल्यामुळे तेथील टिश्यू (उती, मेदतंतू)चे आरोग्य चांगले राहाते.
7) खाज आणि वेदना
वेदना आणि खाजेपासून मुक्ती मिळवण्यासाठी चांगला ऑर्ग्याजम एक उत्तर असू शकतं. सेक्सच्या काळात स्रवणाऱ्या एंडॉर्फिन आणि इतर रसायनांमुळे डोके, पाय, पाठ यावरील खाज कमी होऊ शकते. त्याचप्रमाणे संधीवात आणि पाळीच्यावेळेस होणाऱ्या वेदना कमी होऊ शकतात.
सेक्समधून मिळू शकणारे हे फायदे असले तरी चांगले आरोग्य राहाण्यासाठी सेक्स हा काही एकमेव मार्ग नाही. प्रत्येकाची सेक्सबद्दलची इच्छा वेगवेगळी असू शकते. सेक्सच्या दुष्काळासारखी स्थिती येणं अगदीच सामान्य आहे.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
