उद्धव ठाकरे यांच्यावरील शस्त्रक्रिया यशस्वी, प्रकृती उत्तम- डॉक्टरांची माहिती
फोटो स्रोत, facebook
मुख्यमंत्री उद्धव ठाकरे यांच्यावरील सर्व्हायकल स्पाईन संबंधित शस्त्रक्रिया यशस्वी झाल्याची माहिती एच.एन. रिलायन्स रुग्णालयाचे डॉ. अजित देसाई आणि डॉ. शेखर भोजराज यांनी दिली आहे.
या शस्त्रक्रियेदरम्यान मुख्यमंत्र्यांची प्रकृती पूर्णपणे स्थिर होती. शस्त्रक्रियेनंतर ठाकरे यांना रुग्णालयातील त्यांच्या कक्षात हलविण्यात आले असून त्यांची प्रकृती उत्तम आणि स्थिर आहे, असं डॉक्टरांनी सांगितलं.
डॉ. अजित देसाई हे ह्रदयरोग तज्ञ असून डॉ शेखर भोजराज हे स्पाईन सर्जन आहेत.
बुधवारी झाले होते दाखल
मुख्यमंत्री उद्धव ठाकरे बुधवारी (10 नोव्हेंबर) हॉस्पिटलमध्ये दाखल झाले होते. त्यांच्यावर दोन ते तीन दिवस उपचार करण्यात येतील, अशी माहिती मुख्यमंत्री कार्यालयाकडून त्यावेळी देण्यात आली होती. रुग्णालयात दाखल होत असताना उद्धव ठाकरे यांनी एक प्रसिद्धीपत्रकही जारी केलं होतं.
आपल्या निवेदनात उद्धव ठाकरे म्हणाले, "दोन वर्षांपासून आपण कोव्हिडचा मुकाबला करतो आहोत. एकीकडे या विषाणूशी लढाई सुरू असतांना दुसरीकडं आपलं जीवनचक्र सुरू राहावं, राज्यातली विकास कामं सुरूच राहावीत म्हणून आम्ही सगळे कुठेही न थांबता सातत्यानं प्रयत्न करतोय. मान देखील वर करायला वेळ मिळत नव्हता, साहजिकच माझ्या मानेच्या दुखण्याकडे नाही म्हणलं तरी थोडंसं दुर्लक्ष झालं आणि मानेवर जो परिणाम व्हायचा तो झालाच!"
फोटो स्रोत, @CMOMAHARASHTRA
रिलायन्स उद्योगसमुहाच्या हरकिसनदास सुपरस्पेशालिटी हॉस्पिटलमध्ये उद्धव ठाकरे यांच्यावर शस्त्रक्रिया करण्यात आली.
"आपले आशीर्वाद माझ्या पाठीशी आहेत, त्यामुळं लवकरच तब्येत बरी होईल अशी खात्री आहे." असंही उद्धव ठाकरे दाखल होताना म्हणाले होते.
तत्पूर्वी, सोमवारी (8 नोव्हेंबर) उद्धव ठाकरे यांनी पंढरपूरमधील पालखी मार्गातील चौपदरीकरणाच्या कार्यक्रमाला ऑनलाईन हजेरी लावली. त्यावेळीही त्यांनी मानेला पट्टा लावला होता.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
