सचिन वाझे चालवत असलेली गाडी NIA कडून जप्त, गाडीत सापडले 5 लाख रुपये
फोटो स्रोत, Getty Images / Hindustan Times
सचिन वाझे चालवत असलेली काळ्या रंगाची मर्सिडीझ मंगळवारी NIAने ताब्यात घेतली. या कारमध्ये 5 लाख रुपये मिळाल्याचं NIAच्या अधिकाऱ्यांनी सांगितलं आहे.
मुंबईतल्या छत्रपती शिवाजी महाराज टर्मिनस परिसरातून ही गाडी ताब्यात घेण्यात आली.
NIA ने सचिन वाझे काम करत असलेल्या क्राईम इंटेलिजन्स युनिटच्या ऑफिसचीही कसून तपासणी केली. सोमवारी (15 मार्च) रात्री 8 वाजता सुरू करण्यात आलेलं हे ऑपरेशन मंगळवारी (16 मार्च) पहाटे 4 वाजेपर्यंत सुरू होतं. पोलिस अधिकारीही यावेळी उपस्थित होते.
पुरावे शोधण्यासाठी ही झाडाझडती घेण्यात आली. सचिन वाझे यांचा सॅमसंग मोबाईल फोन आणि आयपॅड ही NIA ने जप्त केला आहे.
कार्यालयाची झाडाझडती घेतली जात असतानाच राष्ट्रीय तपास यंत्रणा NIA ने क्राईम इंटेलिजन्स युनिटच्या 10 अधिकाऱ्यांचीही चौकशी केली.
वाझेंच्या जप्त करण्यात आलेल्या कारमधून स्कॉर्पिओची नंबर प्लेट, 5 लाखांची रक्कम, नोटा मोजण्याचं एक मशीन आणि काही कपडे सापडली असून पुढील तपास सुरू असल्याचं NIA चे इन्स्पेक्टर जनरल (IG) अनिल शुक्ला यांनी माध्यमांना सांगितलं.
जप्त करण्यात आलेली गाडी सचिन वाझे चालवत, पण ती कोणाच्या मालकीची आहे याचाही शोध घेण्यात येत असल्याचं अनिल शुक्लांनी सांगितलं.
सचिन वाझे यांचा अटकपूर्व जामीन कोर्टाने फेटाळला होता. त्यांना 25 मार्चपर्यंत पोलिस कोठडी सुनावण्यात आली आहे.
हे वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.रोज रात्री8 वाजता फेसबुकवर बीबीसी मराठी न्यूज पानावर बीबीसी मराठी पॉडकास्ट नक्की पाहा.)
