पाकिस्तानात जिथे हल्ला झाला तेथील ग्राउंड रिपोर्ट, काय म्हणाले लोक?

पाकिस्तानच्या पंजाब प्रांतातील मुरिदके येथील रहिवासी मोहम्मद युनूस शहा यांनी बीबीसीला सांगितले की, भारताने डागलेली चार क्षेपणास्त्रं तिथल्या एका शैक्षणिक संकुलावर पडली.

त्यांनी सांगितलं की, "पहिली तीन क्षेपणास्त्रं एकामागोमाग आली, तर चौथं सुमारे पाच ते सात मिनिटांच्या अंतराने आलं."

या शैक्षणिक संकुलामध्ये शाळा, कॉलेज, वसतिगृह, मेडिकल कॉलेज तसंच एक मशीद आहे. या मालमत्तेचं काही प्रमाणात नुकसान झालं आहे.

शहा यांनी सांगितलं की, या संकुलात निवासी वसाहतही आहे, जिथे काही कुटुंब राहतात. येथील परिसरात घबराटीचे वातावरण आहे.

बचाव कर्मचारी, अग्निशमन दलाचे कर्मचारी तसंच पोलिस या ठिकाणी उपस्थित आहेत. सर्वांना इथून सुरक्षित स्थळी हलविण्यात आल्याचंही मोहम्मद युनुस यांनी सांगितलं.

(बीबीसीसाठी कलेक्टिव्ह न्यूजरूमचे प्रकाशन)