Lee ihe ise nwere ike ịnọchi plastik na be gị
Ebe foto si, Eti-Inyene Godwin
Taa bụ ụbọchị ncheta gburugburu obibi nke mba ụwa, nke a kpọrọ 'World Environment Day' na bekee.
Ị ma na ndị uweojii ga-anwụchị gị ma tụba gị na mkpọrọ kpamkpam ma ọ bụrụ na i jiri nailọn(nylon) n'aka na Nairobi,isiobodo Kenya?
Ị makwa na gọọmentị ga-ada gị nha ma ọ bụrụ na i ijiri nailọn bata n'ala Rwanda?
Kedu maka gị onwe gị? I chere na ị ga-anọnwụ otu ụbọchị na-ejighị plastik mee ihe ọbụla?
Ajụjụ ndị a dị ezigbo mkpa n'ihi na plastik na-ebute nnukwu nsogbu na gburugburu obibi na mba ụwa niile.
Plastik na-afachi ọwa mmiri sị aga ma na-ebute nnukwu ọrịa ma ọ bụrụ na ọ ba gị n'ahụ.
Ị ma na chingum (Chewing gum) were rubber n'ime ya, ihe a sokwa n'ihe ejiri eme plastik.
Ebe foto si, Getty Images
Dọkịnta Ikechukwu Mgbolu gwara BBC Igbo na-agbanyeghị n'ọrịa dị na Naịjirịa abụghị maka plastik banyere n'ime ahụ mmadụ, ọ dị ezigbo mkpa ịkwụsi ike n'ọrịa dịka iba (malaria) na afọ ọsịsa (cholera) ka nkụ na Naịjirịa maka na plastik fachiri ebe mmiri si aga, ma ọ bụ na-emebi mmịrị ndị mmadụ na-aṅụ n'ime obodo dị iche iche.
Cheta kwa ihe na-eme na mpaghara Naija-Delta, bụbụ ebe ọ kachasị njọ bụ nsogbu mmebi gburugburu obibi.
Gịnị bụ ihe ndị ọzọ were ike ịnọchi plastik?
N'ime akụkọ a, anyị ga kọwara gị ihe ndị ọzọ ị nwere ike iji nọchie anya plastik.
- Akwụkwọ (Paper): Akwụkwọ dị mma maka na o nweghị ihe ọjọọ ọ na-eme gburugburu obibi.
- Ihe mere akwụkwọ ji dịkwa mma bụ na ọ baa na mmiri ọ na-agbazee.
- Akwa: Ndị bekee kpọrọ ya 'Wash Cloth'. Akwa nke a bu nke e ji owu( cotton) were mebe.
- Tishu: Ihe a bụ akwụkwọ ọcha eji ehiche ihe ọbụla mana i nwere ike iji ya wee mere ihe ọbụla akpa plastik na-eme.
- Akwụkwọ ndụ: Dọkịnta Mgbolu dọrọ aka na ntị na iji platik na-esi ihe were ike inye nsogbu n'ime ahụ. O kwuru na akwụkwọ ndụ bụ nke kachasị mma.
- Nkata: Nke a bụ ihe ọzọ i nwere ike iji wee nọchie plastik na be gi.
Akụkọ ga-amasị gị:
