Nnamdi Kanu rearrest: Ihe mere m jiri jụọ mba Briten ajụjụ banyere Nnamdi Kanu - Lord Alton

8 Julaị 2021

Lord Alton, bụ onye jụrụ gọọmentị mba Briten ajụjụ banyere onyeisi otu na-achọ nwereonwe site na Naịjirịa akpọrọ Indigenous People of Biafra (Ipob) bụ Nnamdị Kanu, gwara BBC Igbo na ọ bụ n'ihi ịkwanyere usoro mba ụwa ji eme ihe ugwu ka o ji ajụ ajụjụ a.

Ọ sịkwa na ọ chọrọ ịmata ma nwaafọ Briten a ọ na-ewete enyemaka kwesiri ya n'aka ndị na-anọchite mba Briten na Naịjirịa.

Lord Alton sị na ajụjụ a ọ jụrụ bụ iji nwete ndo anya maa e sooro usoro mba ụwa jiri eme ihe n'oge e ji nwuchie Nnamdi Kanu ma kpọghachi ya Naịjiria.

Ọ sị na "usoro e ji mee ihe a edobeghị anya ma ncha n'ụzọ ziri ezi".

Lord Alton sị na ọ ma maka ebubo a na-ebo Nnamdi Kanu ma na-ekwu na iwu Naịjiria kwenyere na aka mmadụ ka dị ọcha ruo oge ikpe mara onye ahụ dịka "akara 36:5 nke iwu Naịjirịa nke 1999 siri kwuo".

Ọ sị na o na-eche mpụtara ikpe a, nke ọ sị na a "ga-emeriri n'usoro ziri ezi nakwa n'ụzọ ezoghi ezo"

Ọ sị, maka a sị na-asị sonyere okwu a, e kwesiri inwe ndị si ofesi ga-anọdụ dịka ndị akaebe.

Aha nkeananụānụ, Nnamdi Kanu: Anyị na-ahazi etu dọkịta ya ga-esi hụ ya nke taa nke echi - Ifeanyi Ejiofor

"Nke ahụ ga-enye aka ịhụ na-anabatara mkpebi ọbụla enwetere."

Skip Akachasị Gụọ and continue reading

Akachasị Gụọ

End of Akachasị Gụọ

Na ngwụcha, ọsịsa Lord Alton sara BBC Igbo bụ na ọtụtụ ndị omeiwu Briten tinyere uche n'ọnọdụ ikike dịrị onye nakwa usoro iwu na Naịjirịa ugbua.

N'ime ihe ọ rụtụrụ aka a na-etinye anya bụ etu e si ewepu ikike diri onye na mba ahụ, nke gụnyere:

Ohere ikwu ihe di onye n'uche

Ohere ịgbakọ etu onye siri chụọ

Ọzọ nwere mperi, dịka o siri kwuo, bụkwa ọnọdụ nchekwa adịghị nke sitere n'etu gọọmentị anaghi eme ihe o kwesiri banyere ọghaghara nakwantọrị mmadụ nke ndị abụghị ndị ọrụ gọọmentị na-eme aghara aghara na mba ahụ, ọkachasị n'ugwu nakwa etiti Naịjirịa.