Odion Ighalo anatala akpụkpọụkwụ ọlaedo ya sị Nigeria 'ngwanụ ọ ga-adị'
Ebe foto si, AFP
Odion Ighalo edepụtala n'ebe a ka ụgbọ ịgbara Super Eagles nke Naịjirịa bọọlụ ga-ebusa ya.
Ighalo gbaara Naịjirịa bọolụ afọ ise bido na 2015 ruo ọnwa Julaị 2019, kwuru na ọ nwaala ike ya, ma kwuo na ọ chọrọ inyere ndị na-etolite etolite ohere igosi onwe ha.
O kwuru na obi dị ya mma ịnọchite enya Naịjirịa n'asọmpị, na ịhụnanya ndị mmadụ gosiri ya ka ọ na-agba bọolụ riri ya ọnụ, na ọnụ ya jukwara n'ekele.
N'elu akara soshal midia ya ka ọ nọ kwuputa ihe ndị mmadụ nọ na-atamu na nzuzo; nke bụ na ọ zaala aha nna ya ọfụma.
Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of Instagram post
O kelekwara ndị otu ya nakwa onye nchịkọta Naịjirịa bụ Gernot Rohr, maka ohere o nyere ya iso gbaa asọmpi a mere ya nke ngwụcha ya.
Cheta na Ighalo dị afọ 26 mgbe Daniel Amokachi họpụtara ya ka ọ malite ịgbara Naịjirịa bọolụ.
Ebe foto si, AFP
Ihe ndị ị ga-eji cheta Ighalo:
Ighalo emetela ọtụtụ ihe agaghị eji echefu ya na Naịjirịa, ma ndị ọma ma ndị "ọjọọ".
- O nwetara ihe nrite akpụkpọụkwụ ọlaedo maka ịbụ "ụkwụ kacha nye goolu" site na goolu ise o nyere n'asọmpi Iko Mba Afrịka nke afọ 2019.
- O so Naịjirịa rite ọlanchara n'asọmpi Iko Mba Afrịka nke 2019.
- O nyere goolu asaa nke nyere aka mee ka Naịjirịa tozuo ịga asọmpi Iko Mba Afrịka nke afọ 2019 dịka ha aganwughi nke 2015 na 2017.
- Ọ bụ onye nke asaa n'ime ndị kacha nyere Naịjirịa goolu n'ụwa tụ ụwa.
- N'agbanyeghi na ọ gbaara Naịjirịa naanị ugboro 35, o nyere goolu 16.
- Ọ naghị eji ofufe ya dịka onye nke Kraịst egwu egwu, ndị otu ya ga-agwa gị nke a; o nyehaala goolu, etu o si aṅụrị bụ ichili aka n'eluigwe.
Ebe foto si, AFP
Nke "ọjọọ"
- O riwara ụmụ Naịjirịa obi oge Super Eagles zutere Ajentina n'asọmpi Iko Mbaụwa nke afọ 2018, mere ka Ajentina gbapụ Naịjirịa ma mee ka a kpọọ ya na ezinaụlọ ya iyi makwa na-esu ha mmụọ.
