Ebenezer Cobb Morley: Ncheta 'Nna egwuregwu bọọlụ'
Ọtụtụ ndị mmadụ amaghị etu egwuregwu bọọlụ na iwu na-achị ya si malite rue ogogo ọ nọ ugbua.
Ị maara onye mere egwuregwu bọọlụ jiri dị ụtọ ma bụrụ ihe a na-agba nkiri n'ụwa niile taa?
Aha ya bụ Ebenezer Cobb Morley, o mere nke a mgbe egwuregwu bọọlụ na-enweghi usoro eji agba ya.
Ebe foto si, Adrian Roebuck
Morley kpọkọtara ọtụtụ ndị mmadụ n'ọnwa Ọktoba afọ 1863 bụ ebe ha dere iwu ga na-achị egwuregwu bọọlụ.
Ha malitere iwu a na mba Ịngland mgbe e hiwere otu na-ahụ maka egwuregwu bọọlụ.
Iwu a bịara mụbaa banye na mba ụwa niile agbanyeghị na ọtụtụ ihe agbanwela n'ime ya.
Ihe ndị i kwesiri ịma maka Ebenezer Cobb Morley
Ebe foto si, Justin Cormack
- A mụrụ ya n'afọ otu narị na iri asatọ na asaa gara aga, n'obodo Hull dị na mba Ịngland
- Ọ bụ onye ọkaiwu, bụrụkwa nwa onye minista
- Ọ hụrụ egwuregwu mmiri n'anya nke ukwuu nke oji hiwe otu Barnes na Mortlake Regatta n'afọ 1862.
- O bụ onye ndu otu bọọlụ Barnes mgbe egwuregwu bọọlụna-enweghi isi ọbụla.
- Morley bịara hiwe ọgbakọ na Freemason Tavern nọ na Holborn n'ọnwa Ọktoba afọ 1863 bụ ebe amalitere otu na-ahụ maka bọọlụ.
- Morley dere iwu dị iri abụọ na atọ ga na-achị egwuregwu bọolụ bụ nke ndị mba ọzọ na-eso rue ugbua.
- Morley nwụrụ n'afọ 1924, mba Ịngland na-akpọ ya 'Nna mụrụ egwuregwu bọọlụ ọgbaraọhụụ.'
Akụkọ ndị ga-amasị gị:
