Ibrahimovic eferela Man U aka

Ibrahimovic nwere ọkpụ goolu iri abụọ na itoolu n'ime egwurwegwu iri ise na atọ n'oge ya na Manchester United. — Nkọwa foto, Ibrahimovic nwere ọkpụ goolu iri abụọ na itoolu n'ime egwurwegwu iri ise na atọ n'oge ya na Manchester United

23 Maachị 2018

Oge e ji agụ akụkọ nkeji 1

Nwafọ mba Sweden na-agbara Manchester United bọọlụ bụ Zlatan Ibrahimovic azọpụla njem iji gaa n'ihu n'akụm bọọlụ ya dịka ọ banyere otu LA Galaxy nke Amerịka.

Manchester United kwupụtara nke a ụbọchị Toosde, ụbọchị 22 nke ọnwa Maachị na ha nwere nkwekọrịta ka Ibrahimovic chabie ohere ọrụ ya n'atụfughị oge.

Ọ bụ ihe iju anya na nwaamadị a emepụtaghị oke ihe kamgbe o si ezumike mmerụ ahụ lọta n'ọnwa Nọvemba.

Nkọwa foto, Ihe Ibrahimovic dere n'Instagram ya mgbe Manchester United kwuputara ọpụpụ ya.

Ibrahimovic nwere ọkpụ goolu iri abụọ na itoolu n'ime egwuregwu iri ise na atọ n'oge ya na Manchester United.

"Ugbua bụ oge ị ga n'ihu mgbe afọ abụọ mara mma gacharala," bụ ihe o dere n'Instagram ya.

"Oke ihe sokwa abịa na ngwụcha. Ekele dịrị otu egwuregwu anyị, ndị egwuregwu anyị na-amasị, ndị otu m, onye nchịkọta anyị na mmadụ niile so keta oke n'oge m niile."

Skip X post

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post