Egbughị m nwunye m Osinachi, ọ bụ kansa ngụ gburu ya- Peter Nwachukwu

Peter Nwachukwu, di Osinachukwu Nwachukwu,otiegwu ụka a ma ama agọọla na aka na ụkwụ ya adịghị n'ọnwụ nwunye ya ma sị na ọ bụ kansa ngụ gburu ya.

Peter kwuru nke a taa bụ Fraide n'ogige Ụlọikpe Ukwu nke Etiti dị n'Abuja bụ ebe a kpụtara ya ịzara ọnụ ya n'ebubo na o tigburu nwunye ya.

gbe ndị uweojii kpụ ya na-aga n’ụlọ ikpe, ọ gwara ndị ntaakụkọ sị,

“Ataala m ahụhụ nke ukwuu maka ihe m na-emeghi,ndị mmadụ agbahapụla m.”

“ Ọ bụghị m gburu nwunye m, ihe gburu ya bụ ọrịa kansa nkụ(cancer of the lungs)”.

Nke a ka Peter nọ na-ekwu tupu a kpọba ya n’ime ụlọikpe ma mechie ụzọ.

Ụlọikpe etinyela Peter Nwachukwu na 'Kuje prison'

Ụlọikpe ukwu dị n’Abuja n’ụbọchị Fraịde nyere iwu ka a Peter bụ di Osinachi Nwachukwu ka nọrọ na nga ruo mgbe a ga-anụ banyere ikpe ya n’ebubo igbu nwunye ya.

Ọkaipke N.K Nwosu nyere iwu a dịka Peter nọrọ n’ụlọikpe gọọ na aka ya adịghị n’ebubo iri na atọ (23) e boro ya.

Ọkaikpe sị ka ọ ka nọrọ na nga ma yigharịa ikpe ya gawa n’ụbọchị iri na isii na isi na asaa nke ọnwa Juun.

“Ihe e mere taa bụ ịkpụpụta ya n’ụlọikpe, a ga-ebido izo ileba anya n’ike ngwa ngwa” bụ ihe ọkaikpe Nwosu-Iheme kwuru.

“Ka ọ nọrọgodi n’ụlọ nga ‘Kuje Correctional Facility’ ruo mgbe a ga-eleba anya n’ikpe ya”.