Dangote Refinery: Ihe ndị ị kwesịrị ịma maka ụlọ nrụpụta ọhụrụ a

Ụlọnrụpụta mmanụ agbịdị ọhụrụ kachasị n'Afrịka emepela na Naịjirịa, dịka a na-atụ anya ga-ebelata nsogbu ụkọ mmanụ ụgbọala na Naịjirịa na-agamiga.

Naịjirịa bụ mba mmanụ agbidi jupụtara n'ime ya mana a na-ebupu ya gawa mba ofesi ka e sie ya n'ọkụ iji mepụta mmanụ ụgbọala, kerozin, gaasị na ndị ọzọ tupu e bubatakwa ya na Naịjirịa.

Ya kpatara mba Naịjirịa na-ahụkarị ụkọ mmanụ ụgbọala kwa mgbe kwa mgbe. Nsogbu a ka ụlọnrụpụta Aliko Dangote karịrị ijeri dọla iri na itoolu; $19 (maọbụ £15.2bn), nke onye nwe ya bụ oji ego Aliko Dangote.

"Ihe a bụ ihe ga-agbanwe ọnọdụ ndị mba Naịjirịa," dịka Onyeisiala Muhammadu Buhari kwuru.

A na-atụ anya na ụlọ nrụpụta a ga na-ebipụta ihe karịrị udu mmanụ ụgbọala 650,000 kwa ụbọchị - ihe a tụrụanya ga-ezu mmanụ ndị mba Naịjirịa na-esi mba ọzọ azụ. Ọ ga-enwekwa ụlọnrụpụta ọkụ latrịk, ọdọụgbọmmiri nakwa ụlọ nrụpụta fatịlaịza.

Cheta na ụlọ mmanụ agbidi Naịjirịa anaghị arụ ọrụ ka mgbe afọ atọ gara aga maka etu e si ezu ya bụ mmanụ agbidi.

N'ụbọchị Mọnde e mere mmemme e ji mepe ya bụ ụlọọrụ nrụpụta mmanụ agbidi, Dangote onye ya kwuru na "Ebumnuche anyị maka ụlọọrụ nrụpụta a bụ ka anyị hụ na anyị rụpụtachara ngwaahịa ndị mmadụ na-azụkarị n'afọ mbụ."

Mana, o dochabeghị anya ma ya bụ ọlọọrụ nrụpụta ọ ga-enyeaka wetuo ọnụ ego mmanụ agbidi na Naịjirịa. Gọọment Naịjirịa sị na ha na-akwado iwepụ ego enyemaka a kpọrọ subsidi - ya bụ ego enyemaka riri nkeji anọ n'ime bọjeeti Naịjirịa.

Ya bụ ụlọọrụ nrụpụta so n'ihe ndị ịkpeazụ Onyeisiala Buhari ga-emeghe ka o ruru ngwụcha ọkwa oche ya.

Onyeisiala Buhari na-akwado inyefe Bola Tinubu ọchịchị onye mmeri ya dịka onyeisiala Naịjirịa ka dị n'ụlọikpe.

Ọkachamara n'ihe gbasara mmanụ agbịdị bụ Henry Adigun gwara BBC na mmepe ya bụ ụlọ nrụpụta ọhụrụ a gbadokarịrị aka na ndọrọndọrọ ọchịchị".

Ihe ndị i kwesịrị ịma maka ụlọọrụ Dangote a dị na Legọs