Annette Echikunwoke: etu ịda mba Naịjirịa sị ghọọ uru mba Amerika

Annette Echikunwoke jị ọkọrọtọ mba Amerika nwere na-enwe anụrị maka ịweta ọlaọcha na Olympiik Paris 2024 nke mere ọtụ jị echeta ihe mere ya n’oge garaaga.

Ndị Naịjirịa na ekiri ya na-eche na nke a kwesiri ịbụ erere Naịjirịa aka erite na ọ bụlụ na Annette nọchịtere anya ha na Olympiik.

Naịjirịa ewetebeghị ọla ọ bụla na Olympiik Paris, ebe Annette bụ onye nọchitere anya mba Amerika a ka enwetere ha ọla ma ewepu amaghịahazị ihe ndị Athletics Federation of Nigeria (AFN).

Mana Annette abụlula nwanyị Amerika nke mbụ nwetere ọla na ngaraba egwuregwu Hamaa.

“Obi dị m ụtọ isoro mba US, irita erere na iwete ọla ọcha”.

Kedu ka Naịjirịa siri nwete ọghọm na ihe a?

Na olympiik Tokyo 2020, Echikunwoke nwere nsogbu oge ọ biara ịnọchita anya Naịjirịa maka na ọ were ikike ịbụ nwa amaala Naịjirịa nakwa nke mba Amerika.

Ka ọ mechere ọhụma oge a na-akwado nwere ruo na Tokyo bụ ịsị mba Japan, a kagburu aha ya ma kwuo na onweghị ikike ịnọchita anya Naịjirịa na egwuregwu ahụ.

Ewekwara mmadụ iri ndị ọzọ nke a metutara maka na ha ndị na ahazị Olympiik kwuru na ha dara ule enenere ha maka ọgwụ na-enye ike.

Nke a gbawara Echikunwoke obi.

AFN dara iwu sị na ndị ga-eso ha bịa Olympiik ga abịa nyocha ahụike gbasara ọgwụike ugboro atọ n’ime ọnwa iri tupuu ha abịa Olympiik.

Echikunwoke kwuru na ya bịara ugboro isii ka e mee ya nyocha ahụ mana AFN akpọtaghị onye kwesiri ime ya nyocha ahụ.

O kwuru “agbagharana m ihe garaaga, ma tinye uche m na ọdị n’ihu”.

O kwukwara na ọlaọcha ya wetere bụ igosi na ya tinyere uchu na egwuregwu ahụ.

Ndị AFN ekweghi gwa BBC okwu gbasara ọlaọcha Echikunwoke wetere ndị Amerịka.