Kedụ ndị nọ n'ọsọ ịchị Naịjirịa
Chọpụtakwuo ihe banyere ndị na-azọ ọkwa onyeisiala Naịjirịa
Họrọ otu onye ka ị mata maka ya
Bola Tinubu
All Progressives Congress (APC)
- Afọ ole ọ dị: 70
- Ọ gụrụ maka mgbakọ (Accounting) na mahadum Chicago
- Ọ chịrị Legọs Steeti ugboro abụọ site na 1999 ruo 2007
- Ọ nọchiri Legọs Westị n'ụlọomeiwu Sineti site n'afọ 1992-1993
- Ọ gbara ezi mgbọrọgwụ na ndọrọndọrọ ọchịchị Naịjirịa, nke a bụ mbụ ọ na-azọ ọkwa onyeisiala.
- O so buo agha megide ọchịchị ndịagha.
- O wulitere akụnaụba Legọs steeti ihe karịrị ugboro anọ site na N22.2b n'afọ 1999 gaa N220.0b n'afọ 2007.
- Ọ rụrụ dịka onye nyocha ego a kpọrọ 'auditor' nakwa onye oji ego ụlọọrụ Mobil Producing Nigerian, otu n'ime ụlọọrụ na-emepụta mmanụ agbidi na Naịjirịa.
- Ọ kwalitere mbupu ngwa ahịa na Naịjirịa ma belata ndabere na ntụbata ngwa ahịa.
- O belatara enweghi ọrụ ndị ntoroọbịa n'ọkara n'ime afọ anọ ma kewapụta ọrụ ruru otu nde na ngalaba teknụzụ n'afọ abụọ.
- O meziri ngala ikpe na Naịjirịa ma tinye uchu n'igbochi mpu ma kwalite ntukwasị obi ndị mmadụ n'ebe ndị ọrụ nchekwa nọ.
Atiku Abubakar
Peoples Democratic Party (PDP)
- Afọ ole: 76
- Osote Onyeisiala Naịjirịa site n'afọ 1999 ruo 2007
- O nwere asambodo 'masters' na ngalaba 'International relations' site na mahadum Anglia Ruskin dị na Briten.
- Ọ bụbụ onye ọrụ Kọstọm batara na ndọrọndọrọ ọchịchị na mbido afọ ndị 1980.
- Ọ zọọla ọkwa onyeisiala ugboro ise ma o nwetaghi ya n'afọ 1993, 2007, 2011, 2015 na 2019.
- Ọ hiwere 'American University' nke Naịjirịa bụ nke nyere ụmụakwụkwọ ụmụnwaanyị Chibok a tọhapụrụ agụmakwụkwọ n'efu.
- Onye ojiegoachụntaego tinyere aka n'ahịa mmanụ agbidi, ọrụ ugbo, ụlọakụ na ngalaba mmepụta ọgwụ e ji agwọ ọrịa.
- Nghọtaghie dị na etu o siri nyefee ụfọdụ ụlọọrụ gọọmentị n'aka ndị nkịtị.
- Nye ndị nkịtị na-azụ ahịa ohere n'ime ọba azụmahịa nakwa akụnaụba Naịjirịa.
- Kwalite ịdịnotu Naịjirịa site na inye mmadụ niile nọ Naịjirịa ohere nakwa ikpe kwụọtọ.
- Hazigharịa etu e si kee ọchịchị na Naịjirịa.
Peter obi
Labour Party (LP)
- Afọ ole: 60
- Ọ chịrị dịka Gọvanọ Anambra Steetị ugboro abụọ site n'afọ 2007 ruo 2014.
- Ọ zọrọ dịka osote Onyeisiala na ntuliaka afọ 2019.
- Onye ojiegoachụntaego, gụrụ maka 'philosophy' na mahadum Naịjirịa dị na Nsukka.
- Ọ hapụrụ iteego gbara ọkpụrụ nke ruru nde dọla 156 ($156m) n'ụlọụka oge ọ chịchara dịka gọvanọ.
- O buuru Anambra site n'ogogo 26 gaa na mbụ kachasị eme ọfụma n'ule NECO nakwa WAEC na Naịjirịa.
- O nwere ọtụtụ ụlọahịa bụ nke nyerela ọtụtụ puku mmadụ ọrụ.
- Ịgba mbọ hụụ na eziokwu dị n'ọchịchị ya ma buokwa agha megide mpụ na nrụrụaka.
- Ịkpọrọ Naịjirịa si na ndị oriri na mbubata ngwa ahịa gaa ndị na-emepụta ihe.
- Wulite ma kwalite ndụ ndị mmadụ site n'itinye ego n'agụmakwụkwọ STEM, ahụike nakwa iwulite akụrụngwa e ji enyere ndụ aka.
Rabiu Kwankwaso
New Nigeria Peoples Party (NNPP)
- Afọ ole: 66
- Mịnịsta na-ahụ maka nchekwa site n'afọ 2003 ruo 2007.
- Gọvanọ chịrị Kano Steeti site n'afọ 1999 ruo 2003 nakwa na 2011 ruo 2015.
- Ọ nọchitereanya ndị Madobi n'ụlọomeiwu nta n'afọ 1992 nakwa Sịnetọ nọchitereanya Kano Central site n'afọ 2015 ruo 2019.
- Ọ bụ Dkt. na ngalaba civil engineering na mahadum Sharda dị n'India.
- Ọ na-enye agụmakwụkwọ n'efu nakwara inyere ndụ ndị mmadụ aka.
- Ọ kwalitere ọnụọgụgụ ụmụakwụkwọ nọ n'ogogo praịmarị site n'otu nde n'afọ 2011 ruo ihe karịrị nde atọ n'afọ 2015 oge ọ chịchara.
- Inye ụmụakwụkwọ praịmarị nri nakwa uwe akwụkwọ n'efu.
- O hiwere Mahadum Tekịnụzụ na Sayensị nke Wudil Kano Steeti nakwa Mahadum Northweast, mahadum abụọ nke steeti Kano ga-enwe.
- Ikewapụta ọrụ site n'itinye ego n'ọrụ ugbo.
- Ileba anya n'ọnọdụ nchekwa
- Ịkwanyere iwu ugwu na-achị obodo ugwu ma soro usoro iwu.
