Ralph Uwazurike gwara United Nations na mkpu Biafra na-aga n'ihu n'ihi na mmegbu ndị Ọwụwa Anyanwụ
Ebe foto si, Ralph Uwazuruike
Onyeisi otu Biafra Independence Movement na Movement for the Actualisation of Sovereign State of Biafra (BIM-MASSOB) agwaala otu United Nation ka ha gbapụ ya ọsọ mee ka Biafra nwereonwe ya.
O kwuru nke a n'ọgbakọ United Nation maka ọgbaghara na mgbochi ya a kpọrọ Regional Forum on conflict and the prevention in Africa and Middle East.
Ngalaba United Nation a kpọrọ 'Special Rapporteur on minority issues' nke ụlọọrụ Tom Lantos n'isi ya haziri ya.
Uwazuruike bụ onye nọchitereanya Biafra n'ọgbakọ a e mere n'ịntanetị, sị na ọgbaghara ịdị n'obodo na-akpagbu ikike dịịrị onye.
Edemede a nwere ihe ndị si na Google YouTube. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Google YouTube iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of YouTube post
"Ikike dịrị onye na-adị ire ebe ọgbaghara na-adịghị, ọgbaghara dịrị onweghi onye ga-anụ ụtọ ikike dịrị onye".
Ọ sị na Biafra so n'agbụrụ ndị kachasị ukwuu mana ndị Fulani dị obere na-akpagbu ikike dịịrị ndị Biafra site na gọọmentị nọ n'ọchịchị.
Uwazuruike gwara United Nations ka ha lebanya ebe ndị ahụ agbụrụ dị obere na-akpagbu ndị nnukwu ma mee ha kwụrụ onwe ha.
"Ihe m na-asị United Nations bụ ka e nyee Biafra nwereonwe ka ha nwee ike ịketa oke n'ikike dịịrị onye dịka mba ndị ọzọ n'ụwa".
Ọ gakwara n'ihu kọwaa na ọchịchị mwereonwe Biafra malitere kamgbe ihe dịka afọ 1967 n'ihi mmegbu Biafra nke mechara bute agha n'etiti Naịjirịa na Biafra.
Uwazuruike sị na kemgbe a lụchara agha ahụ rute ugbua na mmegbu ahụ ka na-aga n'ihu, na ọ bụ n'afọ 1990 ka ọ malitere ọchịchọ Biafra ọzọ n'ụzọ udo.
Ralph Uwazuruike sị na ọ nwuchiri Nnamdi Kanu mgbe ọ na-agbankwụ ma kpọchie ya abalị ise
Ebe foto si, Screen grab of Uwazuruike/ Nnamdi Kanu Facebook
Ralph Uwazurike bụ onyeisi otu Movement for the Actualization of the Sovereign State of Biafra (Massob) ekwuola na ọ kpọchiri Nnamdi Kanu bụ onyeisi Indigenous People of Biafra (Ipob) n'ụlọ ya ruo ụbọchị ise.
O kwuru nke a n'ihe onyonyo o wepụtara n'akara Facebook na Mọnde 3 Mee, afọ 2021 bụ ebe ọ sị na Kanu zitere ndị Eastern Security Network ka ha bịa wakpoo ya.
O kwuru sị, " I zitere ndị otu ESN gị ka ha wakpoo m, cheta na gị nke ọma. Ị bụ onye ụjọ anọ m ebe a, enweghị ebe ọbụla m gbaa ọsọ aga".
Ebe foto si, Screengrab
Uwazuruike kwuru sị, cheta mgbe ị chọrọ ịgbankwụ nwunye gị, ị gwara nwanne gị nwaanyị bụ onye uweojii ka o were ndị uweojii pụrụiche gbaa gị gburu gburu, kama ndị m zitere bịara n'isi oche ebe ị nọ wee nwụrụ gị ma kpọta gị n'ihu m, e jichiri m gị ruo ụbọchị ise iji kuziere gị na m karịrị gị".
O kwuru na ọ bụ ya nyere Kanu ego dị puku narị anọ o ji gbaa nkwụ nwunye ya.
Ọ gara n'ihu kwuo, "Achọghị m igbu gị, achọro m ịgwa gị na ndị uweojii gbara gị gburugburu agaghị azọ gị".
Ọ tụrụ ilu sị, "ọ bụ nwaanyị bido shiwe nri na-enwe nkanka ite".
Uwazuruike sị na ya chọro ịgwa ndị Biafra na e nwere ndị Nnamdi Kanu na-arụrụ ọrụ.
O kwuru sị, "achọghị m iji egbe chọta Biafra".
Ọ gwara Nnamdi Kanu sị, "Mgbe ọbụla ị batara Naijirịa m ga-anwụchị gị, ọsọ kwa gị were ndị ESN gbaa onwe gị gburu gburu".
Content is not available
View content on FacebookBBC anaghị ahụta maka ọdịnaya nke saịtị ndị dị na mpụga.sEnd of Facebook post
Mana mgbe BBC Igbo kpọtụụrụ ọkaiwu Ipob bụ Aloy Ejimakor, ọ jụrụ itinye ọnụ n'okwu ahụ a.
Akụkọ ndị ọzọ ga-amasị gị:
