Ihe i kwesịrị ịma maka Peter Obi e ji 'Okwute ndị Igbo maara

23 Nọvemba 2020

Igbo tụrụ ilu sị na onye a na-akpọ nwere ihe ọ na-eme.

Etu a ka ọ dị n'ebe nwa amadị a bụ Peter Obi nọ dịka ndị mmadụ kpụ ya n'ọnụ n'ihi ihe o kwuru maka Naịjirịa ịbanye ọtanisi nke ugboro abụọ n'afọ ise.

Obi kwuru na Naịjirịa chọrọ ipụta n'ọnọdụ a, na gọọmentị kwesịrị ibelata aka n'ego ha na-emefu maka bọjetị ma were ego tinye n'akụnaụba na-arụpụta ihe.

Ọtụtụ ndị mmadụ nabatara ihe Obi kwuru, ebe ndị ọzọ na-ajụ "kedụ ihe Obi mere n'ọge ọ bụ gọvanọ Anambra Steetị"?

Onye bụ Peter Obi na ihe i kwesịrị ịma maka ya?

Peter Obi bụ nwafọ Igbo a mụrụ n'Onicha, Anambra Steetị n'ụbọchị iri na itoolu nke ọnwa Julaị, afọ 1967
Ọ gụrụ akwụkwọ Sekọndịrị n'ụlọakwụkwọ Christ the King dị n'Onicha
Ọ gụrụ maka 'Philisophy' na Mahadum Naịjirịa dị na Nsukka ma pụta n'afọ 1984
Obi gụkwara akụkọ n'ọtụtụ mahadum dị dị n'ofesi gụnyere; Oxford, Havard, Lọndọn, Columbia, Switzerland, Cambridge na ụlọakwụkwọ Kellogg bụ ebe ọ gụrụ ihe banyere akụnaụba, azụmaahịa nakwa ego
Ọ lụrụ nwunye ya bụ Margaret Brownson n'afọ 1992, ha mụta ụmụ abụọ bụ Gabriella Nwamaka Frances Obi na Gregory Peter Oseloka Obi
Obi chịrị Anambra Steetị afọ asatọ dịka gọvanọ maliter n'afọ 2006 ruo afọ 2014
Ọ zọrọ ọkwa osote onyeisiala Naịjirịa n'aha PDP n'afọ 2019 mgbe Atiku Abubakar họrọ ya dịka osote mana ha dara na ntuliaka ahụ
Obi arụọla ọrụ n'ọtụtụ ụlọọrụ dịka Next International Nigeria Ltd, Future View Securities Ltd, Guardian Express Mortgage Bank Ltd, Paymaster Nigeria Ltd, Corp Ltd and Card Centre Ltd dgz
N'ihi ọrụ ọrụrụ n'Anambra nakwa ntụnye n'ihe banyere akụnaụba nakwa ndị Igbo mere ụfọdụ ji etu "okwute ndị Igbo".

Nturuugo

Obi ritere ọtụtụ nturuugbo gụnyere;

Gọvanọ kachasị mma n'afọ 2010 nke West Africa ICT Development
Nwoke kachasị mma n'afọ 2007 (Man of the Year) nke Sun Newspaper
Gọvanọ kachasị mụrụ akọ na Naịjrịa n'afọ 2009 nkeThisday Newspaper
Gọvanọ kachasị mma ntụkwasị obi na Naịjirịa n'afọ 2009 nke Champion Newspaper
Nturugo ọkachasị na ndị ndu n'afọ 2011 a kpọrọ Zik Leadership Prize
Gọvanọ kachasị n'ọrụ inye ọgwụ mgbochi n'Ọwụwanyanwụ n'afọ 2012 nke Bill & Melinda Gates Foundation dgz.