June 12: Ọkpụrụkpụ okwu Onyeisiala Buhari kwuru na mgbasa ozi 'Democracy Day'
Ebe foto si, Nigerian Presidency
Dịka Naịjirịa na-eme emume ncheta ụbọchị onye kwuo uche ya nke Bekee kpọrọ 'Democracy Day', onyeisiala Muhammadu Buhari gbasaara ụmụ Naịjirịa ozi n'onyonyoo TV.
Nke a bụ nke mbụ a na-eme emume ncheta ọchịchị onye kwuo uche ya n'ụbọchị iri na abụọ nke ọnwa Jun.
Content is not available
View content on FacebookBBC anaghị ahụta maka ọdịnaya nke saịtị ndị dị na mpụga.sEnd of Facebook post
Buhari ji ohere mgbasa ozi ahụ kọwapụta ihe o mepụtarala kamgbe ọ malitere ọchịchị.
Okwukwara njikere ọ dị ịhụ na Naịjirịa gabigara ihe ọdachi niile na-echere ya aka mgba.
Lee ụfọdụ ihe o kwuru:
- Buhari kelere ndịọrụ ahụike nakwa ndị niile na-agba mbọ ịhụ na ọrịa coronavirus alaghị ụmụ Naịjirịa n'iyi.
- Onyeisiala kelekwara ndị niile na-enye aka ka ọchịchị onye kwuo iche ya na-esiwanye ike na Naịjirịa.
- O kwuru na GDP Naịjirịa gbagoro site n'otu pasentị na ụma (1.19%) n'afọ 2018 ruo pasentị abụọ na ụma (2.27%) na 2019, mana n'ihi ihe isi ike so ọrịa coronavirus, GDP agbadatala ruo otu pasentị na ụma asatọ (1.87%) na mbido afọ 2020.
- Ego Naịjirịa dopuru maka echi gbaliri site na ijeri dọla 33.42 ($33.42 billion) n'ọnwa April ruo ijeri dọla 36 ($36 billion) n'ọnwa Mee 2020.
- Gọọmentị eweela mmadụ puku ise n'ọrụ dịka 'Agro Rangers'. Nke a pụtara ndị nche ga na-echekwa ihe a kọrọ n'ubi nakwa ndị na-azụ anụmanụ.
- Ego Naịjirịa na-enweta site na ire cocoa nakwa mkpụrụ 'sesame' (sesame seeds) agbaliela ruo nde dọla 79.4 nakwa nde dọla 153
- Naịjirịa na-agba mbọ ibawanye azụmahịa ya na mba Afrịka ndị ọzọ.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
- Na ngụkọ maka obodo ebe ọ kacha mfe ịzụ ahịa, Naịjirịa ji akara 25 gbagoo.
- Buhari kwukwara na ọ fọla obere ka a rụchaa ọdọụgbọelu dị n'Enugwu bụ nke e mechiburu iji rụgharịa ya
- Gọọmentị amalitela iwe ndị ntorobịa ruru 774,000 n'ọrụ iji belata enweghị ọrụ dị n'obodo.
- Ndị ntorobịa a ga-abụ otu puku mmadụ n'okpuru ọchịchị 774 dị na Naịjirịa
- Buhari gara n'ihu kwuo na ndịọrụ mgbochi nrụrụaka anwụchiela ihe karịrị mmadụ 1,400, ma napụta ha ego karịrị ijeri naịra 800.
- Onyeisiala kwuru na oke igbu mmadụ na Naịjirịa na-ewute ya. O kwuru na ya enyela ndị isi ọrụ nchekwa iwu ka ha nwụchie ndị niile aka ha dị n'ịkwafu ọbara na Naịjirịa
N'oge mbụ, a na-eme emume 'Democracy Day' n'ụbọchị 29 nke ọnwa Mee.
Ebe foto si, Getty Images
Ọ bụ n'ụbọchị ahụ n'afọ 1999 ka ndị agha nyefere ọchịchị n'aka ndị nkịtị.
Mana n'afọ 2019, Buhari kwuru na 'Democracy Day' ga-abụzị na June 12.
Ọbụ na June 12 afọ 1993 ka e mere ntuliaka na Naịjirịa mana onyeisiala oge ahụ bụ Ibrahim Babangida kagburu ya bụ ntuliaka.
Onye e che meriri ntuliaka ahụ bụ Moshood Abịọla larala mmụọ.
Nke a mere ka Buhari kwanyere Abiola ugwu na 2019 ma nye ya nzere GCFR (Grand Commander of the Federal Republic).
