Arthur Agwuncha Nwankwo: Onye bụ odeakwụkwọ a?
Ebe foto si, Arthur Nwankwo/Facebook
Onye odeakwụkwọ a ma ama bụ Arthur Agwuncha Nwankwo anwụọla.
Ọ nwụrụ n'ụbọchị satọde, bụ ụbọchị mbụ nke ọnwa Febrụwarị 2020, n'ụlọọgwụ University of Nigeria Teaching Hospital (UNTH) nke dị n'Enugwu steeti dịka ọ gbara afọ 77.
Tupu ọ nwụọ, ọ rụrụ ọrụ na National Democratic Coalition (NADECO) dịka onyeisioche ha.
Nke a mere ka onyeisiala Naịjirịa bụ Muhammadu Buhari kwanyere ya ugwu ikpeazụ ma zigara ezinaụlọ ya ozi itiakanobi site n'ọnụ na-ekwuchitere ya bụ Femi Adesina.
Gọọmentị Anambra steeti kwanyekwara ya ugwu ikpeazụ.
Content is not available
View content on FacebookBBC anaghị ahụta maka ọdịnaya nke saịtị ndị dị na mpụga.sEnd of Facebook post, 2
E ji ụfọdụ akwụkwọ dịka "Danda" nakwa "Tales out of School" were mara ya.
Ihe ndị ị maghị maka Arthur Agwuncha Nwankwo
Ebe foto si, Arthur Nwankwo/Facebook
- Maazi Nwankwo bụ onye Ajali dị n'okpuruọchịchị Orumba North n'Anambra steeti.
- Ọ gbapere ụlọọrụ "Fourth Dimension" na-ebipụta ọtụtụ akwụkwọ.
- A tụrụ ya nga otu afọ n'afọ 1982, n'ihi akwụkwọ o dere a kpọrọ "How Jim Nwobodo Rules Anambra State".
- A nwụchiri ya ọzọ n'ọnwa Juun afọ 1998 maka ịkpọ oku ka mba Amerịka lebanye anya n'ọchịchị nchịgbu na Naịjirịa.
- Ọ zọrọ ọkwa Gọvanọ Anambra steeti n'afọ 1983 n'okpuru People's Redemption Party (PRP).
- Ọ chọpụtara otu a kpọrọ Eastern Mandate Union nke e hibere maka nchịkọta oke ndị Igbo na ndọrọndọrọ ọchịchị.
Otu ndị ọzọ o so na ya gụnyere PMP, People Progressive Party (PPP) nakwa ụlọ mbipụta ọzọ o hibere bụ Nwamife Publishers dị n'Enugwu.
Ihe nkiri a ga-amasị gị:
