Ike Ekweremadu: Ihe mere Ekweremadu bụ ịdọ ndị osuimi aka na ntị - Nnamdi Kanu

Onye ndu otu chọrọ mwereonwe bụ Indigenous People of Biafra (IPOB) ekwuola na ihe ndị otu ya mere Sịnetọ Ike Ekweremadu bụ ịdọ ndị osuimi aka na ntị.

N'ozi sị n'aka twitter pụta, Kanu gwara ndị ndu dịka onyeisi Ohanaeze Ndigbo bụ Nnia Nwodo na ndị gọvanọ Igbo ka ha kpachara anya.

Ndị ndu ala Igbo kpachara anya

Ndị ntoroọbịa Ohanaeze Ndigbo akatọọla mwakpo a sị na otu Ipob wakporo onye bụbu osote onyeisi Sịnetị Ike Ekweremadu na Nuremberg, mba Germany.

Onyeisi ha bụ Okechukwu Isiguzoro sị na ọ bụ nkata Ipob na-akpa iji mechuo ndị ndu Igbo ihu n'ihi iwe ma rịọ ka ndị ndu ndị ọzọ kpachara anya ha.

O kwuru na mwakpo gosiri na ndị ndu n'ala Igbo enwezighi nchekwa na o kwenyere na ọtụtụ n'ime ha nwereike izute ụdị ihe a mere Ekweremadu.

Isiguzoro sị n'akụkọ ọ na-anụ na mgbanwe amalitela n'ala Igbo na nke Ekweremadu a bụ iji mara etu ndị ọzọ ga-adị.

Ọ gara n'ihu katọọ akwa sị na ọ bụ njirimara nakwa omenala ndị Igbo.

Ọ rịọrọ arịrịọ ka akwụsị ụdị agwa na sị ka ndị ndu ala Igbo gbaa mbọ mee ka udi dị n'etiti ha na ndị ha na-achị.

Gọọmentị Akatọọla mwakpo Ekweremadu

N'otu aka ahụ onyeisi ụlọọrụ na-ahụ maka ndị Naịjirịa bi na mba ofesi bụ Abike Dabiri-Erewa akatọọla otu mwakpo a e mere Sịnatọ Ike Ekweremadu

Dabiri-Erewa kpọrọ oku ka mba Germany gbaa mbọ hụ na ọ tara ndị a nke eji ụfọdụ n'ime eji ugbụa ahụhụ ruru ha.

N'ofesi

Ogbunigwe agbagbuola mmadụ iri isii na atọ ma merụọ mmadụ otu narị na iri asatọ ahụ n'ụlọ agbamakwụkwọ na Kabul, Afganistan.

Ihe mere n'ogige ebe ndị Shịa Muslim karịrị akarị mana onwebeghi otu sị na aka dị n'ịkpa arụ a.

N'ama egwuregwu

Onye nchịkọta otu egwu bọọlụ Manchester City bụ Pep Guardiola ekwuola na ọ nabatala mkpebi ihe onyonyo VAR n'ịkagbu goolu ha nyere Tottemham

Goolu a akagburu si n'aka Gabriel Jesus dịka ọ fọdụrụ tịnkọm tịnkọm oge ka e gbuchie asọmpi ahụ.

Nkeji