Burna boy: Ihe nne ya kwuru kopuru ụwa

Ihe nrite eji asị ndị bụ ọkaibe n'ejije, egwuregwu nakwa n'ihe mkpalite mmụọ dị iche iche akpọrọ BETAwards na beekee kpọtụrụ a kpọtụ ụnyaahụ na mba Amerịka.

Otiegwu ama ama dịka Burna Boy so na ndị nwetere ihe nrite na BETAwards nke 2019.

E nyere ya ihe nrite dịka ọkaibe n'iti egwu na mba ofesi.

Teni bụkwa onye Naịjirịa sokwa na ndị akpọpụtara aha dịka ndị a ga-ama onye bụ ọkaibe n'etiti ha n'iti egwu ọhụrụ na mba ofesi mana o riteghị ya.

Ihe kopuru ụmụ Naịjirịa na mmemme ahụ bụ okwu nnabata ihe nrite nne Burna Boy kwuru mgbe e nyechara nwa ya nturuugo.

O kwuru, "nwa m Burna si m gwa unu na onye isi oji ọbụla bụgodi onye Afrịka tupu ọ bụrụ ihe ọzọ ọbụla."

Nke a mere ka ụmụ Naịjirịa kwuputewe ọtụtụ ihe n'elu soshal midia.‏

@mrrsmartt kwuru na ọ bụ oge Burna ịchake, na ya jisike.

@jockfreshprince sepụtara okwu ahụ mama Burna kwuru ma na-eto ya.

@Kozidrizzy1 si na ya obi bụ ya sọ ụtọ maka ihe nrite Burna Boy

@walegates na-etokwa Burna Boy.

Ndị nso nso Burna na-eto akwa o yi bia ya bụ mmemme.

Cheta na Tiwa Savage , Davido, Ice Prince, Wizkid, Sarkodie, Tuface Idibia nakwa Dbanj eritela nturuugo BET Awards.

Akụkọ ndị ga-amasị gị: