Ozubulu Church Massacre: Gịnị ga-emezi ugbua otu afọ gafere?

Oge e ji agụ akụkọ nkeji 1

Iji cheta ụbọchị e gburu ọchụ n'ụlọụka Katọlik St Phillip's dị n'obodo ha, ndị Ozubulu mere ekpere ncheta ma kpee ka ụdịrị ihe a ghara ime ọzọ.

Peter Uzokwe bụ onyeisi-gburugburu otu 'Ozubulu Development Union', kwuru nke a mgbe ndị NAN gbara ya ajụjụ ọnụ.

Otu afọ agafeela kamgbe ndị bu egbe batara n'ụlọụka a gbagbuo ndị bịara ikpe ekpere n'isi ụtụtụ.

Ihe ọjọọ a mere n'okpuru ọchịchị Ekwusigo dị n'Anambra steeti, mere ka ndị Naịjirịa jụọ na ọ pụtara na anaghị asọzị ụlọụka nsọ?

Ihe ị kwesịrị ịma

  • 1) Mmadụ ole nwụrụ?

Mmadụ iri na atọ (13) nwụrụ ka ndị omekome a gbara ha egbe ebe ha gbakọrọ ịka ụka nke Bekee kpọrọ 'mass', ụbọchị Sụnde, Ọgọst 6, 2017.

Otu onye n'ime mmadụ 13 a bụ Cyprian Ikegwuonwu; nna Aloysius Ikegwuonwu bụ onye akụkọ kọrọ sị na ndị a chọ bịa n'ụlọụka ahụ bụkwa nke ọ rụrụ.

  • 2) O nwere ndị a nwụchiri?

Kọmishọna ndị Uweojii Anambra steeti bụ Garba Umar, kpọpụtara aha mmadụ abụọ a na-enyocha maka mwakpo a bụ Charles Obi a ma dịka Gozila na Dickson Nwodi.

Kama o kwuru na ha abụọ nọ n'ụlọmkpọrọ na mba Saụt Afrịka.

Skip Akachasị Gụọ and continue reading
Akachasị Gụọ

End of Akachasị Gụọ

Ha kwukwara na a na-enyocha mmadụ anọ ndị ọzọ bụ Great Chinedu Akpunonu (44), Vincent Ike (57), Chukwudi Ugwu (30) na Onyebuchi Mbanefo (46).

  • 3) Gịnị mere ndị a na-enyocha?

A kpụpụrụ mmadụ anọ a (Akpunonu, Ike, Ugwu na Mbanefo) ụlọikpe Magistrate dị n'Ozubulu, ebe a na-ekpe ha ikpe maka igbu ọchụ nakwa ịkpa nkata.

Lee ozi eziputara gbasara emume a n'akwụwọ ntaakụkọ @b_4_bea tinyere na Twitter.

Akụkọ ndị ga-amasị gị: