Akụkọ kachasị n'abalị a: Ekweremadu ga-akwado iwu steeti ọbụla inwe uweojii nke ha

Akụkọ ndị dị mkpa n'abalị a

Aga m akwado iwu steeti inwe ndị uweojii nke ha - Ekweremadu

Osote onyeisi ndị Sinetị bụ Ike Ekweremadu ekwuola na ọ ga-akwado akwụkwọ iwu nke ga-enye ikike ka e nwee ndị uweojii nọ n'okpuru steeti.

Ekweremadu kwuru na oke ogbugbu mmadụ na-aga n'ihu n'ihi na mpaghara dị iche iche na Naijiria enweghị ikike iwe ndị uweojii nke ha n'ọrụ.

Onyeisiala Mba Frans ga-awụchi Naịjirịa

Onyeisiala mba Frans bụ Emmanuel Macron ga-esi mba Mọrịtenịa ebe ọ gara ọgbakọ otu ndịisi mba Afrịka bịa Naijiria, ebe ya na onyeisiala Buhari ga-enwe mkparitaụka gbasara okwu nchekwa nakwa iyiegwu nke bekee kpọrọ 'terrorism'.

Macron ga-abịakwa Legọs n'abalị atọ nke ọnwa Julaị, ebe Gọvanọ Steeti bụ Akinwunmi Ambode ga-ele ya ọbịa na 'African Shrine' bụ ụlọ onye otiegwu bụ Fela kuti.

N'akụkọ mba ofesi

Saụt Korea ebudatala elekere ole ndị ọrụ ha ga na-arụ ọrụ site n'elekere iri isii na asatọ gbadata rue elekere iri ise na abụọ.

Nke a bụ iji nyere di na nwunye aka inwe ohere ịnọkọta ọnụ. Nke a bụ iji kwalite ọmụmụ na-agbada oke mgbada na mba ahụ.

N'egwuregwu,

Ọ rara ndị Rọshịa ahụ imeri ndị Spen na-agba nke abụọ asọmpi Iko Mbaụwa, ka asọmpi ha banyere penariti, ebe Rọshịa ji 5-4 mmerie.

Ọzọ, mba Kroeshia na Denmak ga-ezute ibe mgbe ọ kụrụ elekere asaa nke abalịa.

Gee nkeji nke abalị a ebe a

Ihe nkiri nke taa