Ndịagha Naịjirịa anwụchiela gwogworo ato bu mgbọ

Ndịagha Naịjirịa nwụchịrị gwogworo atọ bu mgbọ esi mba Bene ebụbata Naịjirịa.

Na akụkọ General Olaniyi Olatunde, gwogworo atọ a bu mgbọ ruru narị puku atọ. Mgbọ ndị a bụ nke egbe a na-akpọ "pump action" na Bekee.

Olatunde sị na ndị nya gwogworo ndị a gbara ọsọ mana ndị nchekwa na-agba mbọ ị nweta ha.

Ka ọ na-egosi ndị ntaakụko ụgbọala ha nwụdere, Olatunde kwuru na ọ bụ site na ama agbara ha ka ha si nweta gwogworo ndị a bu mgbọ.

O kwuru: "Ndị Naịjirịa ihe ọma na-adi mma gbara anyị ama ka anyị na-arụ ọrụ nchekwa. N'ụbọchị Mee 30, n'ime abalị, ndịagha gunyere ndị uweojii na ndi nchekwa ndi ọzọ nwụchịkọrọ gwogworo atọ a n'obodo akpọrọ Balogun dị n'ụzọ Igbogila-Ilara n'Ogun steeti.

"Mgbọ di n'ụgbọala ndị a dị n'ime akpati emechiri ọfụma. Ndị nya ugbọala ndị a gbara ọsọ mgbe ha hụrụ ndiagha. Anyị na-achọ ha, ma na-emekwa nyocha banyere ndi aka ha dị na ya bu mgbọ atubatara."

Cheta na ndị na-arụ ọrụ gbasara ihe ahịa na-abata Naịjirịa akpọrọ "Customs" na Bekee nwụchịkọrọ ọtụtụ egbe "pump action" esi mba ofesi tụbata Naịjirịa na-afọ gara aga.