Agbapeela ụlọọrụ ọhụrụ EFCC n'Abuja taa

Onyeisi ụlọomeiwu nta nke Naijiria bụ Yakubu Dogara so na ndị bụ ndị ọbịa pụrụiche na-emume ahụ.

N'emume a kwa, Onyeisiala Buhari bụ onye ji aka ya chabie eriri ejiri gosi na ebe ahụ bụ ụlọ ọhụrụ na obodo Wuse n'Abuja.

Lee ụfọdụ foto na-egosi mgbape a na soshal midia:

Ndị mmadụ katọrọ akụkọ kwuru na ejiri nde naira iri abụọ na ano were rụọ ụlọọrụ ahụ na-ekwu na ego ahụ karịrị akarị.

Ebe onyeisi ha bụ Ibrahim Magu na-ekwu si kelee ya n'ihi na ezigbo ọnụ ụlọọrụ ọhụrụ ahụ kwesiri ị bụ naira ijeri narị.

N'akụkọ metụtarụ nke a, ndị mmadụ ebidola ị manye Magu ọzọ n'elu soshal midia.

Ihe bụ nke a bụ na ọ pụtara n'ime ihe onyonyo ebe o yi okoloto bu ihu onyeisiala Buhari.

Onye malitere itinye ọnụ n'okwu a bụ onye nwere akara @DemolaRewaju na Twitter, bu onye dere na ọ dịka Magu kwụnyere Buhari na ntụlịaka na-abịa.

@I_am_Anomeli na ekwu na nke a gosiri na ọ na ọ kwunyere onyeisiala Buhari na ndị otu ya tụmadụ ugbua ihe ntuliaka 2019 na-adị njikere dị ka onye a siri kwuo

@Itiroro kwukwara na EFCC na onye ndu ya kwesiri ị bụ ngalaba kwụrụ onwe ha

Ndị ọzọ si na o kwesiri ị kwụrụ onwe ya n'ihi ọkwa ọ nọ na ya iji gosi n'aka ya kwụ ọtọ.

Magụ kọwakwara n'ime ihe onyonyo ahụ e gosiri na Channels TV na ọ kwunyere onye ọ bụla na ọ sọsọ ihu Buhari dị n'okoloto ahụ o yi na ọ nweghị ihe ọzọ so ya.

Akụkọ ga-amasị gị: