Nwaanyị ejirila akaodo kugbuo nne di ya n'Ebonyi steeti

Otu nwaanyi a kpọrọ Chioma Ibina, kụrụ nne di ya nke e kwuru gbara afọ iri asaa na ise akaodo n'isi kụgbuo ya.

Ọdachi a mere n'obodo Ebyia Unuhu dị n'okpuru ọchịchị Abakaliki n'Ebọnyị steeti.

Di Chioma bụ Maduabuchi Ibina, kọwara na ọ bụ mkpọtụ barọ e ji ebu ihe ha nụrụ n'ime abalị ebe elekere iri na abụọ kpọtere otu n'ime nwunye di nne ya.

Nke a mere ka ya na ndị agbataobi soro mkpọtụ ahụ ma hụ nwunye ya ebe ọ kwa barọ dịka ọbara juru ya ahụ.

N'okwu di ya; "Ha sochiri ya ma kwaghe ụzọ hụ nne m ka ọ tọgbọ, ọbara ju ya ahụ dịka e ji aka ọdọ kukwo ya isi."

Maazi Ibina onye kwuru na ya anọghị n'ụlọ oge ihe a mere, kọwara na dịka anya na- efo ndị a n'oke ihe ahụ mere, Chioma gbafuru.

O kwuru, "Anọghị m n'ụlọ, agara m akwamozu ma lọta n'ụtụtụ nụ ihe mere. Ebe ọzọ m nọ hụ nwunye m bụ n'ogige ndị uweojii dị na Nkwegu ebe o kwuru na ọ maghị ihe mere ya oge ya nọ n'ụra nke mere ka ya kwolie buru akaodo kuo nne m ugburo abụọ n'isi."

Onye na-echuchitere ndị uweojii na steeti ahụ bụ, Lovet Odah, kwuru n'ezie na mkpamkpa ahụ mere, ma kwuo na ha anwụchiela nwaanyị ahụ.

Akụkọ ga-amasị gị: