Russia and Ukraine conflict 2022: Mba Briten ga-eji mmachi kara aka sochi Russia - Boris Johnson

Onyeisiala mba Briten bụ Boris Johnson ekwuola na mba ahụ ga-adọnyere mba Ukraine ukwu iji merie ihe ọ kpọrọ mkpagbu megide ọchịchị onyekwuoucheya nke mba Russia.

N'ozi o ziri n'ehihie Tọzde, Johnson kwuru na Briten ga-apịa Russia mmachi dị icheiche ma nyekwa.

Johnson sịrị na "mwakpo Ukraine abughị nanị Ukraine ka a wakporo, ọ bụ mwakpo megide ọchịchị onyekwuoucheya nke bụ ikike Briten ga-akwadosi ike."

Ogbunigwe ndị Russia egbuola ndị mmadụ na Yukraine - Ndị uweojii Ukraine

Ndị uweojii mba Ukraine ekwuola na mmadụ asaa anwụọla site na ogbunigwe ndị agha mba Russia turu.

Mwakpo Russia wakporo ogige ndịagha dị na Podilsk butere ọnwụ mmadụ isii ebe otu onye merụrụ ahụ.

Otu onye ọzọ nwụrụ na obodo Mariupol ebe mmadụ iri na itolu bụ ndị a na-achọ achọ.

N'aka nke ọzọ ka ndị agha mba Ukraine na-ekwu na ha egbochiela ndị agha elu mba Russia kama ndị agha alu Russia na-ekwu na ha akaala nku ndị agha elu mba Ukraine.

Dịka ọ dị ugbua, akụkọ si Ukraine na-ekwu na ndị agha Russia si mpaghara dị iche iche awakpo ha.

Ebe ha si abata gụnyere Belarus na Crimea.

Mba Amerịka ekwuola na nzụkọ Onyeisiala mba Amerịka bụ Joe Biden na nke mba Rọshịa bụ Valdimir Putin kwesịrị ịnwe agaghịzị enwe isi dịka ha na-ekwu na mba Rụshịa ebidola ịluso mba Yukren ọgụ.

Biden kwuru na Amerịka ebidola ntaramahụhụ ha ga-ata Rọshịa dịka ọ na-ekwu na mba Rọshịa abanyela Yukren ma sị na ha ga-atụkwasị ya ọzọ ma ha gaa n'ihu bata kwuo Yukren.

Biden gwara ndị ntaakụkọ na ntaramahụhụ a ga-emetụta ngalaba ụlọakụ Rọshịa ma tinye kwa ndị ji ego na ezinụlọ ha ma ndị ọrụ gọọmentị mba Rọshịa.

Okwu a bidoro dịka Putin nyere iwu ka ndị agha Rọshịa banye mpaghara nnupụisi Donetsk na Luhansk nọ na Yukren.

Dịka o siri dị, awa iri atọ na isii agachaala kamgbe Putin nyere iwu ka ndị agha Rọshịa ọ si na-echekwa udo gaa Rọshịa, mana enweghị ihe gosiri na ha abatala.

Etu ọ dị ugbua, enweghị ihe na-egosi na ntaramahụhụ a na-ehiwe Rọshịa na-emetụta ha.

Lee etu ndị mmadụ sị agbapụ isi obodo Ukraine bụ Kyiv

Ụzọ akpọchiela n'isi obodo Yukren bụ Kyiv dịka ụgbọala kwụ n'ahịrị ebe ndị mmadụ na-agba ọsọ ndụ maka ọgụ mba Rọshịa na-aluso Yukren.

N'ebe ndị ọzọ ka ndị mmadụ kwụ n'ahịrị n'ọdọ ụgbọala achọ ụzọ ha si apụ.

N'aka nke ọzọ ka gọọmentị Yukren na-ekwu ka ndị mmadụ hara ịtụ ụjọ n'ihi na ọ bụ ihe ndị Rọshịa chọrọ.

Lee foto ka ndị mmadụ sị akwado ịpụ Kyiv

Ihe ị kwesịrị ịma maka Rọshịa na Yukren

Mba Yukren banyere Soviet Union n'afọ 1922.

Mgbe oke ụkpa jidere mba Yukren nke mere ka ọtụtụ ndị mmadụ nwụọ, Onyeisiala Soviet Union oge ahụ bụ Joseph Stalin kpọorọ ọtụtụ ndị mba Rọshịa na ndị mba ọzọ nọ na Soviet Union were kpọga ha mpaghara Yukren iji mjipụta ndụ nwụrụ nụ.

Soviet Union daara n'afọ 1991 nke mere ka Yukren nwere onwe ha.

O siri ike ịchịkọta mba Yukren maka na mpaghara ọwụwa anyanwụ mba Yukren nwere mmasị ịnọnye Rọshịa.

Gịnị bụ 'Minsk Agreement'?

Minsk agreement dị ụzọ abụọ, lee nọwa ha ebe a:

'Minsk Agreement' nke mbụ

Mba Yukren na ndị chọrọ nwere onwe nke mba Rụshịa na-akwado nwere nkwekọrịta iri na abụọ nke ga-ebute udo n'ọnwa Sepụtemba afọ 2014.

Nkwekọrịta a gụnyere ịweghachi ndị ejidere n'agha, iwebata enyemaka na ịwepụ nnukwu ngwa ọgụ.

Kama nke a enweghị isi dịka mpaghara abụọ a erubeghị ya isi.

'Minsk Agreement' nke abụọ

Ọ bụ ndị nnọchite anya mba Rọshịa, mba Yukren, otu Organisation for Security and Cooperation (OSCE) na ndị isi otu nnupuisi Donetsk na Luhansk binyere aka na nkwekọrịta iri na atọ n'ọnwa Febuwarị afọ 2015

Ndị ọchịchị Fransị, Jamanị, Rọshịa na Yukren bịakọrọ ọnụ na obodo Minsk were kwado nkwekọrịta a.