South Africa Killing: 'Onweghi ebe anyi na-aga ebe niile ajụọla oyi' - Ụmụ Igbo
BBC gbara ụfọdụ ụmụafọ Igbo bi na Saụt Afrịka ajụjụ ọnụ maka nkpọlata nke gọọmenti etiti na ụlọọrụ Airpeace na-akwadoro ha site n'iwepụta ụgbọelu ga-ebulata ndị chọrọ ịlọta.
Ndị anyị jụru sị na ọ ka bụ n'asịrị ka ha na-anụ maka nke a.
Lee akara Twitter ndị Ministri na-ahụ maka mmekọ mba Naịjirịa na mba ndị ọzọ sị kwuo ya;
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Mana ha aghọtabeghi ka ya bụ ihe ga-esi gaa.
James Nnoli bi na Johannesburg sị na atụmatụ a mara mma n'ihi na "E nwere ọtụtụ mmadụ na-enweghi ihe ha na-eme na Saụt Afrịka chọrọ ụzọ ha ga-esi laa mana ha amaghị".
Nnolị kwukwara na ọ ga-achọ ịmata etu atụmatụ a ga-esi aga.
Ọ chọrọ ịmata ka o nwere ebe ndị chọrọ ịla ga-aga edenye aha ha, ka ọ bụ ha iburu akpa ha gawa n'ọdọugbọelụ.
Ọ chọkwara ịma ka o nwere etu gọọmentị ga-esi nyere ndị ga-alọta aka ka ọ bụ ebulata ha na Legọs, e fere ha aka sị ha laa n'udo.
Nnoli sị na ya ebughi n'obi ịga ebe ọbụla maka na o nwere ihe ọ na-eme na Saụt Afrịka.
N'uche ya, "Ọ bụ ndị na-enweghi ezigbo akaọrụ na-akụ mgbanụ ịla Naịjirịa".
N'olu nke ya Ikechukwu Samuel bikwa na Johannesburg sị na onweghi ebe ya na-ala.
Ebe foto si, Getty Images
Ọ tụrụ ilu sị na "ọkụkọ chị ụmụ anaghị agba ajọ ọsọ".
O sị na udo dị na mpaghara ha nọ nke bụ na obodo ajụọla oyi ebe ahụ.
Ikechukwu sị na ya amakwaghị ndị Naịjirịa chọrọ ịlọta.
O sị na ya anaghị atụ anya na otụtụ mmadụ ga-esi otu ahụ laa.
