Helicopter pick-Up: 'E ji ụgbọelu helikọpta zọọ onye nwere ọrịa nkpọnwụ ahụ ndụ'
Ụlọọrụ ụgbọelu ekwuola na ha fepuru nwoke nwere ọrịa nkpọnwụ ahụ site na nnukwu kpachikpachi okporoụzọ si Legọs gawa Ore.
Ihe onynyo pụtara n'ụbọchị ụka na soshal midia na-ekwu na otu ọgaranya eriwe agwụ agwụ kpọrọ ụgbọelu helikọpta ka ọ bịa bupu ya na kpachikpachi okporoụzọ ruru awa anọ.
Ihe onyonyo ahụ kpasuru ọtụtụ ụmụ Naiijria iwe ndị nọ na-akatọ ihe mere.
Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of Instagram post
Mana ụlọọrụ nwe ụgbọelu ahụ kwuru na ha zara oku gbagbata sị n'aka onye nọ n'oke mkpa.
Ụbọchị Wenezde, ngalaba na-ahụ maka njem ụgbọelu a kpọrọ 'Nigeria's Civil Aviation Authority ' kwuru na ha na-eme nyocha maka ihe mere.
Femi Adeniji, onye ọrụ Tropical Arctic Logistics Ltd bụ ndị nwe ụgbọelu ahụ gwara BBC na ya aghọtaghị ihe mere onyonyo ahụ ji akpọtụ akpọtụ.
O kwuru na ha na-arụ ụdị ọrụ ahụ kwa daa dịka ha fepụrụ mmadụ isii n'ime ọnwa abụọ gara aga.
