Ebonyi State University : A chụọla ndị nkuzi karịrị 60 n'ọrụ n'ihi ịkpụ asambodo, arụrụ ndị ọzọ

Otu onye nkuzi Mahadum Ebonyi steeti agbala ama na otu jikọrọ ndị nkuzi mahadum bụ ASUU ga-elebanye anya n'okwu ndị nkuzi a chụrụ n'ụlọakwụkwọ ha.

Ebonyi State University chụrụ ndị nkuzi dị 63 maka ebubo ịkpụ asambodo, ịrịọ ụmụakwụkwọ ndịna na ego a mmanye, na ịda iwu ndị ọzọ.

Ozi si mahadum ahụ na-ekwu na ọtụtụ ndị a chụrụ n'ọrụ bụ ndị nwetara asamboddo sekọndrị tupu ha nweta nke Praịmarị.

Ọchụchụ a na-eso nyocha nke mahadum ahụ nyochara ndị ọrụ ha n'etiti afọ a. Ha tụkwara asị afọ ha ma kpụkwa asambodo ha.

Otu onye nkuzi a chọghị ka akpọ aha ya, gwara BBC na akụkọ ahụ bụ eziokwu mana o kwuru na o nweghị onye nkuzi nọ na ngalabaya o metụtara.

O kwuru na dịka otu jịkọrọ ndị nkuzi nke a kpọrọ ASUU n'aha ịchafụ agbakọbeghị maka ihe mere n'ihi abụbụọrụ ndị nzuki mahadum Naijiria.

"Mana ha gwara ndị o metụtara ka ha zitere ha akwụkwọ e jiri chụọ ha n'ọrụ ka ha lebanye ha anya n'otu n'otu."

Akụkọ ndị ga-amasị gị: