Ndị oyiegwu IS awakpola ụlọ ọmụmụ ndị agha na Kabul

Otu oyiegwu a na-akpọ Islamic State (IS) sị na ọ bụ ndị otu ha wakporo ụlọ ọmụmụ ndị agha na Kabul.

A wakporo ụlọ ọmụmụ a na-akpo Marshal Fahim National Defence University n'isi ụtụtụ taa, ozi si mba Afghanistan na-apụta na-ekwu.

Mwakpo a na-eme n'azụ nnukwu ogbunigwe etinyere na ime ụgbọala eji ebu ndị ahụ adịghị a na-akpọ "ambulance" na asụsụ bekee, gbara wee gbuo mmadụ ruru otu nari.

Islamic State na Taliban mere mwakpo di ichiche na Kabul ọhụrụ a.

Onye ntaakụkọ BBC Mahfouz Zubaide na-akọwa na ụda egbe na ogbunigwe kpọnyitere ndị Kabul na elekere ise ụtụtụ nke be ha.

Ndị ọrụ nchekwa mechiri ụzọ niile esi eje ma pụta na-ebe ihe a na-eme, ọlụ ntaakụkọ a na-akpọ Tolo na ekwu.

Tolo sịkwa na onye na-ekwuchitere onyeisiala Afghanistan kwenyere na onwere ihe mere na mba ahụ, ma sịkwa na ndị oyiegwu ahụ kpara ike a agafeghị onụ ụzọ nke mbụ ha.

Ụlọ ntaakụkọ AFP n'onwe ha na-ekwu na ndị uweojii si na ogbunigwe elu so na ihe eji mee mwakpo a, ma n'ekwu na ebe niile adaala jụụ.

Ozi ọhụrụ pụtara na-akọwa na ndị nchekwa abụọ na ndị otu oyi egwu atọ nwụrụ na mwakpo a. Ndị agha iri merụrụ ahụ.

Anyị ga-ewetara ụnụ ozi ọzọ ma anyị nweta ya.