Man United vs Chelsea: United na fatan cin wasan farko a gida a bana

Manchester United za ta karbi bakuncin Chelsea ranar Asabar a Gasar cin Kofin Premier League karawar mako na shida a Old Trafford.

Idan har United ta yi nasara a wasan shi ne na farko da kungiyar ta yi a gida a kakar bana, kuma za ta hau kan Chelsea a gasar Premier League.

Ita kuwa Chelsea na fatan buga wasa hudu a jere a Premier League ba tare da an doke ta ba.

Idan har Chelsea ta ci United a Old Trafford shi ne na farko da ta yi wannan bajintar tun watan Mayun 2013.

Chelsea tana mataki na takwas a teburin Premier League, bayan wasa biyar da cin biyu da rashin nasara a biyu da canjaras daya da makinta takwas.

Ita kuwa United mai maki shida tana matsayi na 15 a kasan teburi, bayan karawa hudu da nasara a biyu aka doke ta fafatawa biyu.

Sakamakon wasannin da kungiyoyin suka fafata a 2019/2020

Lahadi 11 ga watan Agustan 2019 Premier League

Laraba 30 ga watan Oktoban 2019 Carabao Cup

Litinin 17 ga watan Fabrairun 2020 Premier League

Ranar Lahadi 19 ga watan Yulin 2020 FA Cup

A wasa 56 da kungiyoyin suka fafata a tsakaninsu, United ta yi nasara a 17, Chelsea ta ci 18 da canjaras 21.

Ko kun san?

Manchester United na neman doke Chelsea sai uku a jere a karon farko a Gasar Premier League.

Watakila Marcus Rashford ya zama dan wasan Manchester United na farko da zai ci Chelsea kwallo biyu ko fiye da haka a Gasar Premier League biyu a jere.

Idan har Edison Cavani ya buga wa United wasan, zai iya zama na biyu mai yawan shekaru da ya fara wasan Premier balle ya ci kwallo a wasan yana da shekara 33 da kwana 253.

Wanda ya fara yin bajintar shi ne Zlatan Ibrahimovic da ya ci wa Manchester United kwallo a Agustan 2019 yana da shekara 34 da kwana 316.

Tun daga kakar bara a Gasar ta Premier League, Chelsea ta ci kwallo 87 da zura 42 a raga a wasannin da ta fafata a waje.

United ta yi nasarar doke Paris St German 2-1 a gasar Champions League a Faransa ranar Talata 20 ga watan Oktoba.

Ita kuwa Chelsea ta tashi 0-0 a wasan da ta buga da Sevilla a Stamford Bridge.

Wadanda za su yi alkalanci

Alkalin wasa: Martin Atkinson. Mataimakansa: Lee Betts da Constantine da kuma Hatzidakis.

Mai jiran ko ta kwana: Jonathan Moss.

Mai kula da VAR: Stuart Attwell. Mataimakinsa: Simon Long.

Wasanni biyar nan gaba da United za ta buga:

Laraba 28 ga watan Oktoba Champions League

1 ga watan Nuwamba Premier League

Laraba 4 ga watan Nuwamba Champions League

Asabar 7 ga watan Nuwamba Premier League

21 ga watan Nuwamba Premier League

Wasanni biyar da Chelsea za ta kara nan gaba:

Laraba 28 ga watan Oktoba Champions League

31 ga watan Oktoba Premier League

Laraba 4 ga watan Nuwamba Champions League

7 ga watan Nuwamba Premier League

21 ga watan Nuwamba Premier League

Wasannin mako na shida da za a buga a gasar Premier League

Juma'a 23 ga watan Oktoba

Asabar 24 ga watan Oktoba

Lahadi 25 ga watan Oktoba

Litinin 26 ga watan Oktoba