Jurgen Klopp: Kocin Liverpool aka zaɓa gwarzon kocin Premier League a bana

Karanta rubutu kawai domin rage cin data
Jurgen Klopp kusa da kofin Premier League

Asalin hoton, Getty Images

Bayanan hoto, Liverpool ta Jurgen Klopp ta lashe Premier League saura wasanni bakwai a kammala kaka

Kocin Liverpool Jurgen Klopp aka zaɓa gwarzon kocin gasar Premier League a bana.

Kocin na Jamus mai shekara 53 shi ya taimaka wa Liverpool lashe kofin gasar karon farko cikin shekaru 30.

Liverpool ta haɗa maki 99, inda ta lashe wasa 32 a wasanni 38, tazarar maki 18 tsakaninta da Manchester City.

Klopp ya doke kocin Chelsea Frank Lampard, da na Leicester Brendan Rodgers da kuma na Sheffield United Chris Wilder a takarar gwarzon kocin.

A watan da ya gabata shi ne aka zaɓa gwarzon kocin shekara na ƙungiyar koca-kocai.

Ɗan wasan baya na Liverpool Trent Alexander-Arnold, mai shekara 21, shi ya lashe kyautar gwarzon matashin ɗan wasa a bikin da aka gudanar ranar Juma'a.

Masoya ƙwallon ƙafa ne suka zaɓi gwarzayen daga ƙuri'unsu da aka tattara haɗi da na masana ƙwallon ƙafa