An kama 'yan Boko Haram a Kamaru

Karanta rubutu kawai domin rage cin data
Rikicin Boko Haram na haddasa asarar rayuka da dukiya mai yawa

Asalin hoton, AFP

Bayanan hoto, Rikicin Boko Haram na haddasa asarar rayuka da dukiya mai yawa

Wasu rahotanni daga Kamaru sun nuna cewa wasu mutane 30 da ake zargi 'yan Boko Haram ne sun shiga hannun 'yan sanda a kudancin kasar bayan sun taso daga Ngaoundare.

Haka kuma jami'an tsaro a Kasar sun kai hari akan wani ayarin motocin 'yan kungiyar Boko Haram a garin Gamboru.

Jami'an tsaron sun biyo motocin ne a wani mataki na neman mayar da martani akan 'yan kungiyar da suka dasa nakiya hallaka wani soja daya.

Haka kuma nakiyar ta kuma jikkata wasu sojoji biyu a harin da suka kai a garin Achigachia.

Haka kuma rahotanni sun ce jami'an tsaron Kamarun sun kai hari kan ayarin wasu motoci kusan 100 na 'yan Boko Haram da suka fito daga Banki a Najeriya zuwa wani wuri da ba a tantance ba.