Rikicin Gaza da Isra'ila cikin hotuna: Kwana 11 na ɓarnar da yaƙi ya haifar

Bayan kwana 11 na yaƙi, Isra'ila da ƙungiyar Hamas ta Falasdinu sun amince su tsagaita wuta.

A kalla mutum 243 ciki har da mata da kananan yara fiye da 100 aka kashe a Gaza. A Israel kuwa, mutum 12 gwamnatin kasar ta ce an kashe ciki har da yara kanana biyu.

Kowane bangare na cewa shi ya yi nasara, amma hotunan irin barnar da su ka yi wa juna sun fara bayyana.

Dakarun Isra'ila na cewa Hamas ta harba roka fiye da 4,300 zuwa wurare a cikin kasarta, ita kuma ta kai hari fiye da sau 1,000 a Gaza.

Fiaminista Benjamin Netanyahu na Isra'ila ya ce kasarsa ta dauki matakai masu tsanani domin kaucewa halak mutanen Gaza, yana cewa wannan matakin babu wata ƙasa a duniya da ta taɓa yin haka.

Amma babban jami'in gwamnatin Hamas Isma'il Haniya ya ce wannan rikicin na baya-baya nan ya kori dukkan damar da ake da ita na tattaunawar zaman lafiya da kasashen biyu ke yi da juna.

Shugabannin kasa-da-kasa na maraba da wannan tsagaita wutar da aka yi, wanda Masar ta shiga tsakani har aka same shi.

.