Abin da ya kamata ku sani bayan wasan mako na biyu a Premier

Ranar Litinin aka karkare karawar mako na biyu wasa na 10 a gasar Premier League, shi ne wanda Liverpool da Crystal Palace suka tashi 1-1 a Anfield.

Wasa na biyu kenan da Liverpool ta raba maki a bana, bayan da ta tashi 2-2 a makon farko a gidan Fulham, ita kuwa Palace ta sha kashi a hannun Arsenal da ci 2-0 a Selhust Park.

Jumulla an buga wasa 20 kenan a babbar gasar tamaula ta Ingila, an kuma ci kwallo 56.

Wanda ke kan gaba a cin kwallaye shi ne Rodrigo na Leeds United mai uku a raga kawo yanzu.

Jerin 'yan wasan da ke kan gaba a cin kwallaye a Premier League

Wasan da aka ci kwallaye da yawa a gida

Manchester City 4–0 Bournemouth ranar 13 ga watan Agustan 2022

Brentford 4–0 Manchester United ranar 13 ga watan Agustan 2022

Wasan da kungiyar gida ta sha kashi kwallaye da yawa

Crystal Palace 0–2 Arsenal ranar 5 ga watan Agustan 2022

West Ham United 0–2 Manchester City ranar 7 ga watan Agustan 2022

Wasan da aka ci kwallaye da yawa a raga

Arsenal 4–2 Leicester City ranar 13 ga watan Agustan 2022

Yadda teburin Premier yake bayan wasan mako na biyu