Liverpool ta jinkirta daukar Guehi, Onana zai koma Trabzonspor

Liverpool ta fasa daukar dan wasan bayan Crystal Palace Marc Guehi a watan Janairun badi. Kungiyar ta Reds ta kasa biyan fam miliyan 35 kan dan wasan na Ingila mai shekara 25 a makon da ya gabata, kuma za ta saye shi ne kawai idan kwantiraginsa ya kare a bazara mai zuwa.(Times - subscription required), external

Ana ci gaba da tattaunawa tsakanin dan wasan bayan Liverpool da Faransa Ibrahima Konate kan sabon kwantaragi tare da dan wasan mai shekaru 26 wanda ke cikin jerin 'yan wasan da Real Madrid ke zawarcinsu. (Fabrizio Romano via Givemesport), external

Dan wasan gaban Faransa Kylian Mbappe, mai shekara 26, ya fadawa dan wasan Liverpool Mohamed Salah ya koma Real Madrid. Dan wasan na Masar, mai shekara 33, ya rattaba hannu kan sabon kwantiragin shekaru biyu a Anfield a watan Afrilu amma watakila zai zo komawa Bernabeu.(Teamtalk), external

Golan Manchester United Andre Onana ya amince ya koma kungiyar Trabzonspor ta Turkiyya a matsayin aro amma babu zabin siyan dan wasan na Kamaru mai shekara 29.(Fabrizio Romano), external

Onana ya ninka albashinsa ta hanyar amincewa da zuwa Trabzonspor daga Manchester United a sauran kakar wasa ta bana. (Mail), external

Aston Villa da Leeds United da Newcastle United na zawarcin dan wasan mai kai hari na Crystal Palace Jean-Philippe Mateta, mai shekara 28, kuma za su iya siyan sa a watan Janairu.(Caught Offside), external

Birmingham City da Wrexham da kuma West Brom duk suna sha'awar siyan dan wasan tsakiya na Ingila Dele Alli . Kwanan nan dan wasan mai shekaru 29 ya soke yarjejeniyarsa da kulob din Como na Italiya.(Mail), external

Golan Lazio Christos Mandas, mai shekara 23, zai yi nazari kan makomarsa a kungiyar a watan Janairun badi, bayan da ya rasa matsayinsa a jerin 'yan wasan da suka buga wasan farko , inda Wolves ta nuna sha'awar siyan dan wasan kasar Girka kan kudi fan miliyan 17 a lokacin bazara. (Corriere dello Sport), external

Dan wasan bayan Inter Milan Denzel Dumfries ya ce zai ji dadin samun damar taka leda a gasar firimiya bayan bazara inda aka alakanta dan wasan na Netherlands, mai shekara 29 da Manchester United.(Metro), external

Real Betis ta sake tattaunawa da Manchester United kan batun cinikin dan wasan Brazil Antony, mai shekara 25, (Express), external