ટૂંક સમયમાં વૉટ્સઍપમાં આવશે પરિવર્તન!

તમે વિચારતા હશો કે જો તમે તમારા ધોબીને વૉટ્સઍપ પર મેસેજ કરીને પૂછી શકો કેકપડાં ઇસ્ત્રી થઈ ગયા કે નહી? અને જો તરતજ જવાબ પણ મળી જાય તો કેવું સારું લાગે?

અથવા તો તમે એક નાના વ્યવસાયી છો અને ઇચ્છો છો કે તમારા બધા ગ્રાહકોની માગણીઓ તરત અને સરળતાથી તમને વૉટ્સઍપ પર મળે અને આપ એને સરળતાથી જવાબ પણ આપી શકો.

આવી નાની નાની જરૂરિયાતોને ધ્યાને લઈને વૉટ્સઍપે નાના વેપારીઓ માટે એક નવું વોટ્સએપ બિઝનેસ લૉન્ચ કર્યું છે.

કારોબારી આમાં પોતાનું એકાઉન્ટ બનાવી શકે છે અને સાથે પોતાના વેપારનો વ્યાપ પણ વધારી શકે છે.

સાથે સાથે તેઓ ગ્રાહકો સાથે સીધી વાતચીત પણ કરી શકે છે અને લોકો આ માધ્યમ દ્વારા ઓર્ડર પણ આપી શકે છે.

વૉટ્સઍપનું આ ફીચર અધિકારીક રૂપે અમેરિકા, બ્રિટન, ઇટાલી, ઇન્ડોનેશિયા અને મેક્સિકો માટે લૉન્ચ કરવામાં આવ્યું છે.

આવનારા સપ્તાહોમાં વૉટ્સઍપ પર આ નવું ફીચર ભારત માટે પણ ઉપલબ્ધ થઈ જશે.

આ નવું વૉટ્સઍપ ઍન્ડ્રોઇડ ફોન પર ડાઉનલોડ કરી શકાશે.

શું કરે છે એપ?

આ ઍપમાં અનેક પ્રકારની સુવિધાઓ છે જેના દ્વારા તમે તમારા બિઝનેસને નવી ઓળખ આપી શકો છો.

તમને આ પણ વાંચવું ગમશે

આ વિશે અમે તમને અહીં વિસ્તૃતે માહિતગાર કરીએ છીએ.

એપ પર ઉઠ્યા પ્રશ્નો

આ ઍપ્લિકેશનથી કેટલાક પ્રશ્નો પણ ઊભા થયા છે.

ટેક ક્રન્ચ વેબસાઇટ સાથે ગયા વર્ષે વૉટ્સઍપે એ વાતની પુષ્ટિ કરી હતી કે વ્યવસાયીઓ માત્ર તે લોકો સુધી જ પહોંચી શકે છે જે લોકોને તેઓએ પોતાનો નંબર આપ્યો હોય અને જે વ્યવસાયી ઈચ્છે કે માત્ર થોડા લોકો જ એમનો સંપર્ક કરે.

એપ સંદર્ભે આવેલા અલગ અલગ રીવ્યૂ આ પ્રકારના છે અમેરિકામાં કેટલાક વેપારીઓની ફરિયાદ છે કે એકાઉન્ટ બનાવવા માટે ફક્ત નંબરની જરૂર છે નહીં કે સલામત ઈ-મેલ આઇડી અથવા પાસવર્ડ કી ની.

તેમ છતાં, ઇન્ડોનેશિયા અને મેક્સિકોથી કેટલાક સકારાત્મક પ્રતિભાવો મળ્યા છે. હાલ તો આ એપ બિઝનેસ માટે મફત છે.

વોલ સ્ટ્રીટ જર્નલમાં ગત વર્ષે સપ્ટેમ્બર માસમાં કંપનીના ચીફ ઓપરેટિંગ ઓફિસર મેટ ઇડેએ જણાવ્યું હતું કે, "અમે ભવિષ્યમાં આ એપ માટે નાણાં કે ચુકવણું વસુલ કરી શકીએ છીએ."

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો