છપાક : શું દીપિકા પાદુકોણની ફિલ્મમાં ઍસિડ ઍટેક કરનારને હિંદુધર્મી બતાવાયો?
ઇમેજ સ્રોત, TWITTER @deepikapadukone
બોલીવૂડનાં અભિનેત્રી દીપિકા પાદુકોણે જેએનયુ કૅમ્પસ પર થયેલા હુમલાના વિરોધમાં વિદ્યાર્થીઓ સાથે મુલાકાત કરી તેને લઈને વિવાદ થઈ રહ્યો છે.
સોશિયલ મીડિયા પર દીપિકા પાદુકોણનો અને તેમની 'છપાક' ફિલ્મનો બહિષ્કાર કરવાનો ટ્રૅન્ડ ચાલી રહ્યો છે.
તો વળી અનેક લોકોએ દીપિકાનું સમર્થન પણ કર્યું છે.
ટ્વિટર પર #UnitedHindu #NameItLikeBollywood #boycottchhapaak તો ટ્રૅન્ડ થયા જ પણ એની સાથે જ છપાક ફિલ્મની વાર્તામાં આરોપી મુસ્લિમ પાત્રનું નામ છુપાવવાનો પણ આરોપ મૂકવામાં આવ્યો છે.
ઇમેજ સ્રોત, SM TWEET
છપાક ફિલ્મની કહાણી ઍસિડ હુમલાનો ભોગ બનનાર લક્ષ્મી અગ્રવાલના જીવન પર આધારિત છે.
અનેક લોકોએ દીપિકા પાદુકોણ અને ફિલ્મ બનાવનારા પર વાસ્તવિક ઘટનાના આરોપી નદીમ ખાનનું નામ ફિલ્મમાં રાજેશ કરી નાખવાનો આરોપ મૂક્યો છે.
જોતજોતામાં #NadeemKhan અને #Rajesh પણ ટ્રૅન્ડ થયા. તો ભાજપના સાંસદ અને ગાયક બાબુલ સુપ્રિયોએ પણ ટ્વીટ કર્યું છે.
આ લેખમાં X દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં X કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
X કન્ટેન્ટ પૂર્ણ
બુધવારે સાંજે 4 વાગ્યા સુધી નદીમ ખાન ટ્રૅન્ડ પર આશરે 60,000 હજાર અને રાજેશ ટ્રૅન્ડ પર 50,000 જેટલાં ટ્વીટ થયાં.
End of સૌથી વધારે વંચાયેલા સમાચાર
ઍસિડ ઍટેકનો ભોગ બનનારાં લક્ષ્મી અગ્રવાલે પાત્રનો ધર્મ બદલવા અંગે વાંધો કેમ ન ઉઠાવ્યો તેવો સવાલ પણ અનેક લોકોએ કર્યો.
હિંદુસ્તાન ટાઇમ્સના એક અહેવાલ મુજબ એક મૅગેઝિને ઍસિડ હુમલાના મુસ્લિમ આરોપીનું નામ બદલીને ફિલ્મમાં હિંદુ કરવામાં આવ્યું હોવાનો અહેવાલ છાપતાં મામલો ચગ્યો હોવાનું કહ્યું છે.
બુધવારે સ્વરાજ્ય નામના મૅગેઝિને લેખ લખ્યો કે બોલીવૂડની રીત - દીપિકા પાદુકોણની છપાક ફિલ્મમાં ઍસિડ હુમલો કરનાર નદીમ ખાન રાજેશ બની ગયા.
ઇમેજ સ્રોત, SM TWEET
ઉલ્લેખનીય છે કે લક્ષ્મી પર 2005માં દિલ્હીના ખાન માર્કેટમાં ઍસિડ હુમલો થયો હતો અને તે કેસમાં નદીમ ખાન સહિત અન્ય ત્રણ લોકો સામેલ હતા.
તે સમયે લક્ષ્મી 15 વર્ષનાં હતાં. ફિલ્મ તેમના જીવન ઉપર આધારિત છે, પરંતુ તેમાં પાત્રોનાં નામ બદલવામાં આવ્યાં છે.
ફિલ્મમાં લક્ષ્મીનાં પાત્રનું નામ માલતી છે અને આરોપીનું નામ બબ્બુ ઉર્ફે બશીર ખાન છે.
ફિલ્મ જોનાર સમીક્ષકને ટાંકતાં લલનટૉપ લખે છે, "રાજેશ એ માલતીના બૉયફ્રૅન્ડ જેવા છે, બંનેના સંબંધથી વ્યથિત થઈને પાડોશી યુવક તેની ઉપર ઍસિડ ફેંકે છે."
"આ આરોપીનું નામ બશીર ખાન છે."
ચાર્જશીટમાં પણ મુસ્લિમ નામ
છપાક ફિલ્મ જોયા પછી બીબીસી ટીવી સંપાદક વંદનાએ કહ્યું કે ''ફિલ્મમાં મુસ્લિમ ગુનેગારને હિંદુ તરીકે રજૂ કરવામાં આવ્યો હોવાની આખી વાત ખોટી છે.''
વંદનાનાં જણાવ્યાં મુજબ, ''પહેલી ફ્રેમથી જ પાત્ર પ્રસ્થાપિત થાય છે. વાસ્તવિક ઘટના પરથી ફિલ્મ બનેલી છે પંરતુ નાયિકાથી લઈને ગુનેગાર સુધીના નામો બદલવામાં આવેલા છે.''
''ફિલ્મમાં મુસ્લિમ આરોપીના પરિવારજનો પણ પાત્રો તરીકે દેખાય છે. એમનો પરિવેશ પણ મુસ્લિમ છે. આરોપી નદીમખાનના પાત્રનું નામ બશીર ખાન છે.''
''સામાન્ય રીતે દરેક પાત્રનું એક ઘરેલું નામ હોય છે તેમ તેનું ઘરેલું નામ બબ્બૂ છે. અનેકવાર તેનો ઉલ્લેખ બબ્બૂ તરીકે પણ થાય છે. જોકે, કેસની વાત અને ચાર્જશીટ વગેરેમાં તેનું આખું મુસ્લિમ નામ બોલવામાં આવે છે.''
આમ, છપાકમાં મુસ્લિમ ગુનેગારનું હિંદુકરણ કરવામાં આવ્યું હોવાની કે તેની ધર્મ આધારિત ઓળખ છુપાવવામાં આવી હોવાની વાત ખોટી છે.
આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
YouTube કન્ટેન્ટ પૂર્ણ
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
