TP Mazembe yatsinzwe na Sfaxien
CS Sfaxien yo muri Tuniziya yatsinze TP Mazembe yo muri Kongo 2-0 mu mukino wa mbere muri Confederetion Cup ejo kuwa Gatandatu.
CS Sfaxien yinjije ica mbere ku munota wa 17 gitsinzwe n'umunye Gabon Didier Ibrahim Ndong.
Yatsindiye umugwi umenyerezwa na Ruud Krol ateye umupira uri hasi nyuma yo guherezwa na Fakhreddine Ben Youssef.
Taha Yassine Khenissi niwe yinjije ica kabira mu minota ya nyuma y'urukino rwabereye i Rades.
Mazembe izoba ifise icizere mu rukino rwo kwishura kuko inkino zose yakiniye iwayo imaze kuzitsinda, urwo rukino rukazobera i Lubumbashi kuwa Gatandatu uza.
