Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Cristiano Ronaldo yaciwe amande na Uefa kubera uko yishimiye igitego
Rutahizamu Cristiano Ronaldo w'ikipe ya Juventus yaciwe amande y'ibihumbi 20 by'ama-Euro n'ishyirahamwe ry'umupira w'amaguru ku mugabane w'Uburayi, Uefa, kubera ukuntu yishimiye igitego ubwo ikipe ye yasezereraga Atletico Madrid muri Champions League.
Hari mu mukino wo kwishyura wa kimwe cy'umunani cy'iri rushanwa.
Cristiano w'imyaka 34 y'amavuko yabaye nk'uwigana Diego Simeone, umutoza wa Atletico Madrid, wahindukiriye abafana akifata hagati y'amaguru ubwo ikipe ye yatsindaga Juventus ibitego 2-0 mu mukino ubanza.
Cristiano yishimiraga igitego cya gatatu - yatsinze bitatu wenyine - mu mukino wo kwishyura Juventus yanyagiye Atletico Madrid ibitego 3-0.
Umutoza Simeone yaciwe amande nk'ayo na we ubwo yabikoraga mu mukino ubanza.
Mu mikino ya kimwe cya kane cya Champions League, Juventus yatomboye gukina na Ajax yo mu Buholandi.
