Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Stoke City 2-0 Huddersfield Town: Saido Berahino yinjije igitego ca mbere muri Stoke City
Saido Berahino yari amaze imyaka ibiri n'igice atinjije igitsindo na kimwe yatsindiye igitsindo umugwi wiwe wa Stoke City kiri mu vyatumye umugwi wa Huddersfield Town usezera inkino z'igikombe ca Carabao.
Umugwi wa Huddersfield wari wahinduye abakinyi cumi mubakinye mu rukino banganijemwo na Cardiff ariko babandanije gutsindwa muri uno mwaka w'inkino.
Umurundi Berahino, yaronse igitego ciwe ca mbere kuva aguzwe na Stoke City imiliyoni 12 z'amapawundi mu 2017, kikaba kibaye igitego ciwe ca mbere mu misi 913.
Igitego ca Juninho Bacuna mu mwanya w'inyongera catumye Stoke itsinda ku bitego 2-0.
Intsinzi ya Stoke igize iya kabiri mu mahiganwa yose, ikaba inatumye Huddersfields isubira gutsindwa mu nkino umunani uhereye mw'ihiganwa ryo mu mwaka uheze.
Ishirahamwe mpuzamakungu ry'umupira w'amaguru kw'isi FIFA, riherutse guha Saido Berahino uburenganzira bwo gukinira umugwi nserukiragihugu w'Uburundi.
