Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Amapfa yo muri Espagne yatumye flamingos zijya kuba ahandi
- Umwanditsi, Charlene Anne Rodrigues
- Igikorwa, BBC News
Amapfa (izuba ryinshi) amaze igihe kirekire mu bishanga bizwi cyane byo mu majyepfo ya Espagne yatumye inyoni zo mu bwoko bwa flamingos zijya guturagira amagi yazo ahandi.
Ibishanga byitwa Fuente de Piedra byo mu ntara ya Malaga, mu 1984 byatangajwe ko bibaye ahantu ho kubungabungira ibidukikije.
Ariko ku wa gatandatu, inyoni zibarirwa muri za mirongo ni zo zabonekaga mu gace k'amazi ko muri ibyo bishanga.
Kugeza hagati mu kwezi kwa Gicurasi (5) uyu mwaka, abategetsi bavuga ko Espagne yari imaze kubona imvura iri munsi ho 28% ku mvura yari yitezwe.
Espagne kandi yabayemo urugaryi (spring/printemps) rwa mbere rushyushye cyane kuva mu mwaka wa 1961, ndetse ubu bushyuhe bwinshi bushobora gukomeza no ku mpeshyi yose.
Mbere, imishwi irenga 200,000 y'inyoni za flamingos yari yaraturagiwe muri ako gace k'amazi y'ubujyakuzimu bugufi yo muri ibyo bishanga, nkuko bitangazwa n'ibiro bishinzwe ubuhinzi byo muri Andalusia muri Espagne.
Alberto Gonzalez Sanchez, umuturage wo muri ako gace, yavuze ko ibi byatewe n'ihindagurika ry'ikirere.
Sanchez yagize ati: "Birababaje kuko kubera ubukerarugendo, abantu [ubusanzwe] baza hano bakahamara umunsi".
