Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Ubwato bugendera no hasi mu mazi bwafatiwe mu nyanja butwaye hafi toni ebyiri za Cocaine
- Umwanditsi, James Gregory
Abantu bane barafunzwe nyuma y'uko abategetsi bo muri Portugal bafashe ubwato bwikoreye toni zirenga 1.7 za Cocaine rwagati mu nyanja ya Atlantic.
Ubu bwato bugenda munsi y'amazi no ku mazi hejuru bwafashwe mu minsi ishize bwarimo bwerekeza mu gace ka Iberian peninsula [agace karimo ibihugu bya Espagne na Portugal] nk'uko abategetsi babivuga.
Amashusho yerekana abapolisi n'ingabo zirwanira mu mazi mbere yo kwinjira muri ubwo bwato, bakanafata abakozi bane bari baburimo bivugwa ko bakomoka muri Amerika yepfo.
Polisi yavuze ko aba bakekwa barimo Abanya Ecuador babiri, Abanya Venezuela n'Umunya Colombia, bafunzwe by'agateganyo nyuma yo kwitaba urukiko rwa Azores muri Portugal ku wa kabiri.
Vitor Ananias ukuriye Ishami rya polisi rishinzwe kurwanya icuruzwa ry'ibiyobyabwenge muri Portugal mu kiganiro n'abanyamakuru yavuze ko uru rugamba atari urw'igihugu kimwe gusa.
Ikigo gishinzwe gusesengura amakuru n'ibikorwa byo mu nyanja cya Lisbonne (MAOC) cyavuze ko cyabonye amakuru mu minsi yashize yerekana ko umutwe w'abagizi ba nabi uri mu nzira yo gucisha mu nzira z'amazi ikiyobyabwenge cya Cocaine cyo gucuruza mu Burayi.
Nyuma y'iminsi mike polisi yo mu mazi ya Portugal yafashe ubu bwato buri ku ntera ya 1,800Km uvuye ku nkombe y'umurwa mukuru Lisbon, mu gikorwa bafatanyijemo n'ikigo cya Leta Zunze Ubumwe za Amerika cyo kurwaya ibiyobyabwenge.
Nyuma y'uko bufashwe, bavuze ko budashobora gukururwa ku nkombe kubera ko ikirere cyifashe nabi ndetse hari impungenge ko bwarohama mu nyanja.
Ikinyamakuru cya Lusa cyatangaje ko ibintu nk'ibi byari "ibintu byagarutsweho mu myaka yashize".
Muri Werurwe uyu mwaka, ubwato nk'ubwo butwaye toni 6.5 za kokayine bwafatiwe mu bilometero 1.200 uvuye i Lisbonne.
Ubu bwato bufashwe kandi mu gihe ubuyobozi bwa Trump bwongereye ibitero ku bwato buvuga ko bukoreshwa mu kwinjiza ibiyobyabwenge muri Amerika.
Ku cyumweru, Minisitiri w'ingabo muri Leta zunze ubumwe z'Amerika, Pete Hegseth, yatangaje ko abagabo batatu bishwe mu cyumweru gishize bakekwaho kohereza muri 'Amerika ubwato bw'ibiyobyabwenge bivuye muri Karayibe.
Impuguke zibajije niba ibitero nk'ibi byemewe n'amategeko mpuzamahanga kandi banenga cyane abayobozi bo muri Amerika y'Epfo kuba hari abaturage babo bibasiwe.
