Perezida wa US Joe Biden bamusanzemo Covid nyuma y'ubwandu 'bwagarutse'

Perezida w'Amerika Joe Biden bamusanzemo Covid-19 nanone, mu cyo umuganga we yavuze ko ari ubwandu "bwagarutse".

Biden, w'imyaka 79, yanduye iyi virusi bwa mbere ku itariki ya 21 y'uku kwezi kwa karindwi, ubwo byahishurwaga ko agaragaza ibimenyetso byoroheje.

Ku wa gatandatu, Biden yavuze ko nta bimenyetso yari arimo kugaragaza, ariko avuga ko azishyira mu kato "ku bw'umutekano wa buri muntu wese unkikije".

Muri iki cyumweru, Perezida Biden nta Covid bari bamusanzemo mu nshuro enye hagati yo ku wa kabiri no ku wa gatanu.

Skip content and continue reading

End of content

Mu ibaruwa isobanura uko ibintu bimeze, Dr Kevin O'Connor, muganga wa Biden, yavuze ko bidacyenewe ko asuzibwa ku miti ariko ko Perezida akomeza "gukurikiranirwa hafi".

Biden amaze igihe afata umuti wica virusi wa Paxlovid. Dr O'Connor yavuze ko uwo muti watumye "ijanisha ritoya" ry'abarwayi ba Covid bagira "igaruka" ry'ubwandu.

Kuri Twitter, Biden yatangaje ko yamenye ko yanduye Covid kandi ko agiye kujya akorera akazi mu rugo mu minsi micyeya iri imbere.

BBC ntibazwa ibivuye ku zindi mbuga.

Skip Ibisomwa cane and continue reading
Ibisomwa cane

End of Ibisomwa cane