Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
South Africa: Inkubiri ya Omicron kugeza ubu ntiri kongera umubare w'abapfa – inzobere
Imibare y'ibanze yo muri Afurika y'epfo, aho ubwoko bushya bwa coronavirus yihinduranyije bwa Omicron bwagaragaye bwa mbere, yerekana ko buteza ikigero kiri hasi cyane cyo kuremba no kwicwa na bwo ugereranyije n'izindi nkubiri zabanje z'iki cyorezo.
Profeseri Shabir Madhi, wigisha ibyo gukora inkingo, yabwiye ikiganiro Newsday cya BBC ko ibyo bimeze gutyo nubwo ubu bwoko bushya bwandura cyane kurushaho.
Agereranya ko umubare w'abantu bageraho bagacyenera kujya mu bitaro kubera ubu bwoko bushya bwa Covid-19 utazagera hafi y'uko byari bimeze mu bihe bya mbere by'iki cyorezo.
Yavuze ko bigaragara ko nta sano iri hagati y'umubare munini w'abandura n'umubare w'abashyirwa mu bitaro n'uw'abapfa.
Bwana Madhi yagize ati: "Hari abantu bamwe bizarangira bagiye mu bitaro bakicwa na Covid-19. Ariko ibyo ntibizagera no hafi y'ibyo twanyuzemo mu gihe cy'inkubiri eshatu za mbere".
Ku nshuro ya mbere ubu bwoko bushya bwa Omicron bwamenyeshejwe ishami ry'umuryango w'abibumbye ryita ku buzima (OMS/WHO) ku itariki ya 24 y'ukwezi kwa cumi na kumwe, mu makuru avuye muri Afurika y'epfo. Mu kwirinda, ibihugu bitandukanye byahagaritse ingendo z'indege zivuye muri Afurika y'amajyepfo.
