Hormuz: US yarashe amasasu yo kuburira amato ya Iran mu kigobe cya Gulf

Inyandiko gusa
Amatao ya gisirikare ya Amerika yari aherekeje ubwato burasa za missile bugendera munsi y'amazi USS Georgia, mu gihe bwariho buca mu muhora wa Hormuz

Ahavuye isanamu, US Navy

Insiguro y'isanamu, Amato ya gisirikare ya Amerika yari aherekeje ubwato burasa za missile bugendera munsi y'amazi USS Georgia, mu gihe bwariho buca mu muhora wa Hormuz

Ubwato bwa Amerika bukora akazi ko kurinda bwarashe amasasu yo kuburira ku mato ya Iran yariho yegera amato ya gisirikare ya Amerika mu muhora wa Hormuz, nk'uko bivugwa na Pentagon.

Minisiteri y'ingabo za Amerika, Pentagon, ivuga ko amato 13 anyaruka cyane y'ingabo zirwanira mu mazi za leta ya Iran kuwa mbere yasatiriye amato ya Amerika akagera muri 140m.

Pentagon ivuga ko aya mato ya Iran yahaye nyuma y'uko ubwato bwa Amerika burashe amasasu 30 yo kuburira.

Iki ni igikorwa kimeze gutya kigira kabiri muri ako gace mu byumweru bibiri.

Umuvugizi wa Pentagon John Kirby yashinje amato ya Iran "gushotorana cyane" hafi y'amato y'ingabo za Amerika, aya yari aherekeje ubwato burasa za missile bugendera munsi y'amazi USS Georgia.

Yagize ati: "Ni ibintu bidatekanye kandi bitarimo ubunyamwuga. Ibikorwa nk'ibi bishobora gutuma hari umuntu uhababarira, kandi bishobora kugeza ku bibazo muri kariya gace. Ibyo nta ubikuramo inyungu."

Iran ntacyo iratangaza ku byabaye.

Amato abiri ya Iran yegereye ubwato bwa Amerika buri guca mu muhora wa Hormuz, Pentagon ivuga ko ari "ugushotorana cyane"

Ahavuye isanamu, US Navy

Insiguro y'isanamu, Amato abiri ya Iran yegereye ubwato bwa Amerika buri guca mu muhora wa Hormuz, Pentagon ivuga ko ari "ugushotorana cyane"

Umuhora wa Hormuz, inzira iri mu kigobe cya Gulf, ni imwe mu nzira z'amato zikoreshwa cyane ku isi.

Skip Ibisomwa cane and continue reading
Ibisomwa cane

End of Ibisomwa cane

Mu myaka ya vuba, yakomeje kuba izingiro ry'amakimbirane hagati ya Iran n'ibihugu by'iburengerazuba - birimo Amerika.

Mu kwezi gushize, igisirikare kirwanira mu mazi cya Amerika cyarashe amasasu yo kuburira nabwo kivuga ko cyasubizaga amato ya Iran yari yabasatiriye aho mu kigobe cya Gulf.

Ibi byabaye kuwa mbere bibaye igihe hari umuhate wo kugerageza gusubiza mu ngiro amasezerano mpuzamahanga abuza Iran gukora intwaro kirimbuzi.

Amerika yivanye muri ayo masezerano mu 2015 kubwa Perezida Donald Trump, Iran yahise isubukura ibikorwa byayo byo gutegura ingufu kirimbuzi.

Iran ivuga ko ishobora kureba niba yasubira muri ayo masezerano niba uwasimbuye Trump, Perezida Joe Biden, avanyeho ibihano mu bukungu byafatiwe iyi Repubulika ya Kisilamu.